FIFA පාපන්දු ලෝක කුසලාන තරගාවලියේ ‘F’ කාණ්ඩයේ නෙදර්ලන්තය සහ ස්වීඩනය අතර පැවති තරගය ජයගැනීමට නෙදර්ලන්තය සමත් වුණා.
නෙදර්ලන්තය මෙම තරගය ගෝල පහට එකක් ලෙස දැවැන්ත ජයක් වාර්තා කළා.
මෙවර පාපන්දු ලෝක කුසලානයේ 33 වන තරගය ලෙස පැවති මෙම තරගය පාපන්දු ලෝක කුසලාන ඉතිහාසයට ද එක්වීම විශේෂත්වයක්.
ඒ, 1958 පාපන්දු ලෝක කුසලාන තරගාවලියෙන් පසු, ගෝල 100ක් රැස් කළ වේගවත්ම තරගාවලිය බවට 2026 ලෝක කුසලාන තරගාවලිය පත්වෙමින්.
ස්වීඩනයට එරෙහිව පැවති තරගයේ දී නෙදර්ලන්තය ලබාගත් තුන්වන ගෝලයත් සමඟින් මෙවර තරගාවලියේ ගෝල 100 සම්පූර්ණ කළා.
මෙම ඉතිහාසගත ගෝලය වාර්තා කිරීමට නෙදර්ලන්ත ක්‍රීඩක කෝඩි ගැක්පෝට හැකියාව ලැබුණා.
2014 වසරේ දී ස්පාඤ්ඤයට එරෙහිව ගෝල 5-1 ක ජයග්‍රහණයෙන් පසු FIFA ලෝක කුසලාන තරඟයකදී නෙදර්ලන්ත කණ්ඩායමක් වාර්තා කළ වැඩිම ගෝල සංඛ්‍යාව මෙය වනවා.
මේ අතර 1950 දී බ්‍රසීලයට එරෙහිව ගෝල 7-1 කින් පරාජය වීමෙන් පසු FIFA ලෝක කුසලාන තරඟයක දී ස්වීඩනය ලැබූ දරුණුතම පරාජය මෙය වීමද විශේෂත්වයක්.
මෙම ජයග්‍රහණයත් සමඟ ‘F’ කාණ්ඩයේ ප්‍රසාද ලකුණු 014ක් ලබාගෙන පෙරමුණ ගැනීමට නෙදර්ලන්ත කණ්ඩායම හැකියාව ලැබුණා.
