ඕස්ට්රේලියාවේ අංක එකේ ශ්රී ලාංකේය මාධ්ය පෙරළිකරු AusLanka TV පසුගියදා සිය පස්වන සංවත්සරය සමරනු ලැබුවා.
සංවත්සරයට සමගාමීව ශ්රී ලංකාවෙන් පිටත ඉදිකර ඇති නවීන තාක්ෂණයෙන් සහ මැදිරි පසුතල රැසකින් යුත් දැවැන්ත නවීන මැදිරි සංකීර්ණයක් AusLanka මාධ්ය ජාලයේ ප්රධානී චමිල ලොකුනාරංගොඩ සහ එහි අධ්යක්ෂිකා නයනි ලොකුනාරංගොඩ විසින් විවෘත කිරීමද සිදුකෙරුණා.
පස්වන සංවත්සරය සැමරීම වෙනුවෙන් AusLanka TV සමගින් අඛන්ඩව අත්වැල් බැඳගෙන සිටි ශ්රී ලාංකික ව්යාපාරිකයින්, නීතීඥයින්, අධ්යාපනඥයින්, සංක්රමණික නියෝජිතයින් ඇතුළු ප්රේක්ෂකයින් රැසක්ද සුභ පැතීමට නව මැදිරි සංකීර්ණයට එක්ව සිටියා.
2020 කොවිඩ් වසංගතය වකවානුවේ ආරම්භ කෙරුණු AusLanka TV මාධ්ය ජාලයේ ගතවූ වසර පහ පුරා සහෘද ප්රේක්ෂක ඔබට නවමු අත්දැකීම් එක් කළ අයුරින්ම ඉදිරියේදීත් ටෙලි නාට්ය ඇතුළු රසාස්වාදය උදෙසා නවමු වැඩසටහන් රැසක් ගෙනඒමට AusLanka TV සැලසුම් කර තිබෙනවා.
ඕස්ට්රේලියාවේ සිටින ශ්රී ලංකික සිසුන් වෙනුවෙන් වැඩසටහන්, ශ්රී ලාංකික ප්රජාව වෙනුවෙන් වැදගත් ප්රවෘත්ති ඇතුළු ඕස්ට්රේලියාව පුරා සිටින ශ්රී ලාංකික ප්රජාව එකට එකතු කරන වැඩසටහන් රාශියක් ඉදිරියේදීත් ඔබ වෙනුවෙන් ඉදිරිපත් කිරීමට AusLanka TV සූදානම් වනවා.
අඩුම කාලයකින් ඕස්ට්රේලියාවේ සිටින ලාංකිකයින් අතර වැඩිම ප්රතිචාරය හිමිකරගත් ඩිජිටල් විද්යුත් මාධ්යය බවට AusLanka TV මේ වනවිටත් පත්ව ඇති අතර මෙතෙක් AusLanka TV සමගින් අත්වැල් බැඳගත් මිලියන සංඛ්යාත ප්රේක්ෂකයින්ට එම මාධ්ය ජාලයේ ස්තූතිය පළකර සිටිනවා.
AusLanka TV / AusLanka Radio / Facebook / YouTube සහ auslankatv.com Web අඩවිය ඔස්සේ මෙන්ම C-3 නාළිකාව මගින් AusLanka TV නැරඹීමට දැන් අවස්ථාව පවතිනවා.
