වී මෝල් හිමියන් වී තොග සහල් වශයෙන් වෙළඳපොලට නිකුත් කිරීම පිළිබඳ අධීක්ෂණය කරන ලෙස කෘෂිකර්ම අමාත්ය මහින්ද අමරවීර විසින් උපදෙස් ලබා දී තිබෙනවා.
අමාත්යවරයා වී අලෙවි මණ්ඩලයට මෙලෙස උපදෙස් ලබා දී ඇති බවයි කෘෂිකර්ම අමාත්යාංශය සඳහන් කළේ.
කෘෂිකර්ම අමාත්යාංශය වැඩි දුරටත් සඳහන් කළේ වී අලෙවි මණ්ඩලය සතුව ඇති වී තොග උපයෝගී කරගනිමින් ඊයේ (12) දින සිට වෙළඳපොලට අවශ්ය වන පරිදි සහල් තොග නිකුත් කිරීම ආරම්භ කළ බවයි.
මෙම මාසයේ ඉදිරි දින කිහිපය වෙනුවෙන් සහල් මෙට්රික් ටොන් 2400ක් සැපයීමට කෘෂිකර්ම අමත්යාංශය ඊයේ කටයුතු කළ බවයි වාර්තා වුණේ.
ඒ අනුව ඉන් සහල් මෙට්රික් ටොන් 500ක් සතොස වෙත ලබා දී තිබෙනවා.
රටට අවශ්ය තරම් සහල් නිපදවීමට අවශ්ය වී තොග රජය සහ පෞද්ගලික අංශය සතුව පවතින බැවින් සහල් හිඟයක් පිළිබඳ අනියත බියක් ඇති කර නොගන්නා ලෙසයි කෘෂිකර්ම අමාත්යාංශය සඳහන් කළේ.
