2021.01.01 සිට, 2021.11.03 දක්වා කාලය තුළ පත්කළ පොලිස් ස්ථානාධිපතිවරුන් 184 දෙනාගෙන් නිශ්චිත ක්‍රමවේදය සපුරා සුදුසුකම් සහිතව එම තනතුර ලබාගෙන ඇත්තේ පොලිස් ස්ථානාධිපතිවරුන් දෙදෙනක් පමණක් බව පොලිස්පති සී.ඩී. වික්‍රමරත්න අනාවරණය කළා.
අනෙකුත් ස්ථානාධිපතිවරුන් 182 දෙනාම දේශපාලන බලපෑම් මත පත්වීම් ලැබූවන් බවයි පොලිස්පතිවරයා වැඩිදුරටත් කරුණු අනාවරණය කළේ.
එවැනි පසුබිමක් මත දේශපාලන බලපෑම් මත පොලිස් ස්ථානාධිපතිවරුන් පත් කිරීම සම්බන්ධයෙන් පොලිපතිවරයා විසින් මහජන ආරක්ෂක අමාත්‍යාංශයේ ලේකම්වරයා වෙත මීට මාස 05කට පමණ පෙර යැවූ රහසිගත ලිපියක් ද ඊයේ මාධ්‍ය වෙත මුදා හැරුණා.
අදාල ලිපිය පහතින්..
කෙසේ වෙතත් ඉහත සඳහන් ලිපියට ප්‍රතිචාර දක්වමින් මහජන ආරක්ෂක අමාත්‍යාංශයේ ලේකම්වරයා පොලිස්පතිවරයාට යැවූ පිළිතුරු ලිපිය ද මේ වනවිට මාධ්‍යට ලැබී තිබෙනවා.
පොලිපතිවරයා සිය ලිපිය යොමුකර දින 07කට පසු අදාල පිළිතුරු ලිපිය මහජන ආරක්ෂක අමාත්‍යාංශයේ ලේකම්වරයා විසින් යොමුකර ඇති අතර එම ලිපිය ද පහත දැක්වෙනවා.
මේ අතර දේශපාලන බලපෑම මත පොලිස් ස්ථානාධිපතිවරුන් පත් කිරීම සම්බන්ධව හිටපු මහජන ආරක්ෂක ආමාත්‍ය සරත් වීරසේකර ද අදහස් දක්වා සිටියා.
එහිදී හිටපු අමාත්‍යවරයා සඳහන් කළේ පොලිස් ස්ථානාධිපතිවරුන් පත් කිරීම තමන්ගේ රාජකාරියක් නොවන බවයි.
හිටපු අමාත්‍යවරයා දැක්වූ අදහස් පහතින්..
