ගිනියාවේ හමුදා ආණ්ඩුව විසින් එරට තුළ පතල් කර්මාන්තයේ නිරත චීන සහ වෙනත් රටවල සමාගම් ගෙවිය යුතු ගාස්තු වැඩි කළ යුතු බවට දැඩි බලපෑම් එල්ල කරමින් සිටින බව වාර්තා වේ.
ගිනියාවේ නව රජය බොක්සයිට් සහ යපස් සම්පත්වලින් ආදායම් වැඩිකර ගැනීමට දරන මෙම උත්සහය හේතුවෙන් බටහිර අප්රිකාවේ සිය බලය ව්යාප්ත කිරීමේ චීනය සැලැස්ම අවධානමට ලක්ව ඇති බව විදෙස් විශ්ලේෂකයෝ පවසති.
පසුගිය වසරේ සැප්තැම්බරයේ කුමන්ත්රණයකින් ඇල්ෆා කොන්ඩේ ජනාධිපති ධුරයෙන් ඉවත් කිරීමෙන් පසු බලයට පත් ගිනියාවේ හමුදා ආණ්ඩුව පවතින රෙගුලාසි, කොන්ත්රාත්තු සහ ආයෝජනවලට ගරු කරන බවට සහතික වුවද, ගිනියාව විදේශීය පතල් සමාගම් කෙරෙහි මෙළෙස වැඩි පීඩනයක් යොදමින් සිටින බව පැවසේ.
මෙහිදී ඇතිවූ ගැටලු හේතුවෙන් මේ වනවිට ගිනියාව දේශීය බොක්සයිට් පිරිපහදු ඉදිකිරීමට විදේශීය සමාගම්වලට නියෝග කර ඇති අතර මාර්තු මාසයේදී රටේ විශාලතම යපස් නිධිය වන Simandou හි මෙහෙයුම් අත්හිටුවීම ද සිදුකර තිබේ.
ලොව විශාලතම නොදියුණු යපස් තැන්පතුවලින් එකක් වන Simandou , චීනය විසින් ඕස්ට්රේලියාවෙන් ලැබෙන යපස් සැපයුම් අඩුවීමට විකල්පයක් ලෙස යොදා ගැනීමට සැලසුම් කර ඇති බව පැවසේ.