ඔස්ට්රේලියාව සහ පාකිස්තානය අතර විස්සයි විස්ස ලෝක කුසලාන තරගාවලියේ දෙවැනි අවසන් පූර්ව තරගය අද (11) පැවැත්වීමට නියමිතයි.
එම තරගය පැවැත්වෙන්නේ ඩුබායි හීදී මෙරට වේලාවෙන් පස්වරු 7.30 වනවා.
විස්සයි විස්ස ලෝක කුසලාන ක්රිකට් තරගාවලියේ දෙවන අවසන් පූර්ව තරගයේ කාසියේ වාසිය දිනා ගැනීමට ඔස්ට්රේලියාව සමත් වුණා.
ඒ අනුව ඔස්ට්රේලියාව පළමුවෙන් පන්දුවට පහරදීමේ අවස්ථාව පාකිස්තානයට ලබාදීමට තීරණය කළා.
අද උදෑසන ජාත්යන්තර මාධ්ය වාර්තකළේ පාකිස්තාන කණ්ඩායමේ ප්රබල ක්රීඩකයින් දෙදෙනෙක් අසනීප වී ඇති බවත් ඔවුන් ඊයේ පුහුණුවීම් සඳහාද එක් වී නොතිබුණ බවත්ය.
එම ක්රීඩකයින් දෙදෙනා උප නායක මොහොමඩ් රිස්වාන් සහ ෂොයිබ් මලික් වන අතර ක්රීඩකයින් දෙදෙනාට සිදුකළ කොවිඩ් පරීක්ෂණය අනුව ඔවුන් දෙදෙනාට කොවිඩ් ආසාදනය වී නොමැති බවට තහවුරු වී තිබෙනවා.
ඒ අනුව ඔවුන් දෙදෙනා අද තරගයට ක්රීඩා කිරීමට නියමිතයි.
