මහනුවර ජාතික රෝහලේ ආරක්ෂක නිලධාරියෙකු රැගෙන ගිය කුඩයක් ඇඟේ වැදීමෙන් උරණ වූ ගිලන් රථ රියදුරෙකු කළ බැන වැදීමකින් පසු ඇති වූ ගැටුමකින් සිව් දෙනකු තුවාල ලබා ප්‍රතිකාර සඳහා රෝහල්ගත කර ඇති බවට අප වෙත වාර්තා වුණා.
ඊයේ (08) පස්වරුවේ මෙම ගැටුම ඇතිව තිබෙන අතර තුවාලකරුවන් අතර ආරක්ෂක නිලධාරීන් තිදෙනෙකු හා එක් ගිලන් රථ රියදුරෙකු සිටින බවයි පොලීසිය පැවසුවේ.
රෝහලේ ආරක්ෂක අංශයේ පිරිසක් සහ ගිලන් රථ රියදුරන් කිහිප දෙනකු අතර ගැටුමක් ඇතිවූ බවත් තමන් මැදිහත්ව එය සමතයකට පත්කළ බවත් මේ පිළිබඳව කළ විමසීමකදී මහනුවර ජාතික රෝහලේ අධ්‍යක්ෂ අරුණ ජයසේකර මහතා පවසා සිටියා.
