චීන ජනාධිපති ෂී ජින්පිං, රුසියානු ජනාධිපති ව්ලැඩිමීර් පුටින් සහ ඇමරිකානු ජනාධිපති ඩොනල්ඩ් ට්රම්ප් සමග චීන-රුසියා-ඇමරිකා රාජ්ය නායක හමුව පැවැත්වුණා.
එම හමුව අද(19) පස්වරුවේ ෂෙන්සෙන් නගරයේදී මෙම හමුව සංවිධානය කර තිබුණා.
චීනය, රුසියාව සහ ඇමරිකාව යන රටවල නායකයන්ගේ මෙම ඓතිහාසික ප්රථම ත්රෛපාර්ශ්වික හමුව අතිශය වැදගත් මෙන්ම පෙරළිකාර සිදුවීමක් බව ෂී ජින්පිං එහිදී ප්රකාශ කළා.
ප්රධාන බලවතුන් අතර සමගිය, ලෝකයට සාමය උදා කරන බවත්, ප්රධාන බලවතුන් අතර ගැටුම්, ලෝකය අස්ථාවර කරන බවත් ඉතිහාසය අපට උගන්වා තිබෙන බව චීන ජනාධිපතිවරයා එහිදී පෙන්වා දුන්නා.
වසර 80කට පෙර, ලෝක ෆැසිස්ට් විරෝධී අරගලයේ ප්රධාන බලවේගයක් ලෙස, චීනය, රුසියාව සහ ඇමරිකාව ඒකාබඳව සටන් කර විශිෂ්ට ජයග්රහණයක් ලබා, ලෝකයට සාමය සහ සන්සුන් භාවය දිනා දී ඇති බව චීන ජනපති පැවසුවා.
ඉතිහාසය වැදගත්ම පෙළපොත බවත්, ඉතිහාසය සිහිතබා ගනිමින්, එයින් ඉගෙන, වඩාත් යහපත් අනාගතයක් නිර්මාණය කළ යුතු බවත් ඔහු මෙහිදී සඳහන් කර තිබෙනවා.
ලෝකයේ බලවත් රාජ්යන් ලෙස, එකිනෙකා අතර ධනාත්මක අන්තර්ක්රියාකරීත්වයක් පවත්වාගෙන යාම තේරීමක් නොව අනිවාර්ය අවශ්යතාවක් බව ෂී ජින්පිං එහිදී පෙන්වා දුන්නා.
නව යුගයේ චීන-රුසියානු විස්තීර්ණ උපායමාර්ගික සම්බන්ධීකරණ හවුල්කාරිත්වය සහ චීන-ඇමරිකා ස්ථාවර, සංවර්ධනාත්මක උපායමාර්ගික සබඳතාව ප්රවර්ධනය කිරීම සඳහා චීනය මෑත වසරවල අඛණ්ඩව සක්රිය ලෙස කටයුතු කර තිබෙනවා.
ඉන් බිහි වූ සාමකාමී සහජීවනය, සමස්ත ස්ථාවරත්වය සහ සමතුලිත සංවර්ධනය මත පදනම් වූ සබඳතා රටාව, එකිනෙකාටත් ලෝකයටත් උපකාරී වන බව චීන ජනපතිවරයා පැවසුවා.
ලොව ප්රධාන රටවල් මෙන්ම එක්සත් ජාතීන්ගේ ආරක්ෂක මණ්ඩලයේ ස්ථාවර සාමාජිකයන් ලෙස, චීනය, රුසියාව සහ ඇමරිකාව සහයෝගයෙන් ගෝලීය අභියෝගවලට මුහුණ දෙමින්, ලෝක සාමය හා ස්ථාවරත්වය ඒකාබද්ධව ආරක්ෂා කර, මානව වර්ගයාගේ ප්රගතියට දායක විය යුතු බව ෂී ජින්පිං එහිදී වැඩිදුරටත් අවධාරණය කර තිබෙනවා.










