2026 වසර සඳහා සිසු හෙද පුහුණුවට බඳවා ගැනීමේ සම්මුඛ පරීක්ෂණ අද (14) සහ හෙට (15) දෙදින මාතර සහ හම්බන්තොට හෙද විදුහල්වලදී පැවැත්වීමට සෞඛ්‍ය හා ජනමාධ්‍ය අමාත්‍යාංශය කටයුතු යොදා තිබෙනවා.
ඒ අනුව, අදාළ සම්මුඛ පරීක්ෂණ දෙදින පෙරවරු 8.30 සිට ආරම්භ කිරීමට නියමිත බවට නිවේදනය කරනවා.
2026 වසර තුළ මේ දක්වා සිසු හෙද පුහුණුවට බඳවා ගැනීම සඳහා සෞඛ්‍ය හා ජනමාධ්‍ය අමාත්‍යාංශය විසින් ගාල්ල, ගම්පහ, කළුතර, කොළඹ, කෑගල්ල, කුරුණෑගල, පුත්තලම, මහනුවර, නුවරඑළිය සහ මාතලේ යන ප්‍රදේශවලදී සම්මුඛ පරීක්ෂණ පවත්වා තිබෙනවා.
මෙම බඳවා ගැනීමේ ක්‍රියාවලිය යටතේ සුදුසුකම් සපුරා ඇති අයදුම්කරුවන්ට හෙද පුහුණුව සඳහා අවස්ථාව සැලසීම අරමුණු කරගනිමින් අදාළ සම්මුඛ පරීක්ෂණ පැවැත්වීමට කටයුතු යොදා ඇති බවට අමාත්‍යාංශය සඳහන් කරනවා.
මේ සම්බන්ධයෙන් වැඩිදුර තොරතුරු සෞඛ්‍ය හා ජනමාධ්‍ය අමාත්‍යාංශයෙන් ලබාගත හැකි බවටත් නිවේදනය කරනවා.
