මාතලේ, යටවත්ත, ගම්මුල්ල ප්‍රදේශයේ රාජකාරියේ නිරතව සිටි යටවත්ත පොලිස් ස්ථානයේ පොලිස් නිලධාරීන් තිදෙනෙකුට අද (10) අලුයම් කාලයේදී පහරදීමක් සිදුව තිබෙනවා.
අදාළ පහරදීමෙන් තුවාල ලැබූ පොලිස් නිලධාරීන් තිදෙනෙකු මේ වනවිට යටවත්ත රෝහලට ඇතුළත් කර ඇති බවයි වාර්තා වුණේ.
පහරදීම සම්බන්ධයෙන් සැකරුවන් සිව්දෙනෙක් යටවත්ත පොලිසිය මඟින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ වයස අවුරුදු 27ත් 32ත් අතර වයස්වල පසුවන කාන්තවක් සහ පිරිමි පුද්ගලයින් තිදෙනෙක්.
මොවුන් පොලිස් නිලධාරීන් ගමන්කළ ත්‍රිරෝද රථයට ද හානිකර ඇති බවයි පොලිසිය සඳහන් කළේ.
සැකකරුවන් මාතලේ මහේස්ත්‍රාත් අධිකරණයට ඉදිරිපත් කිරීමෙන් අනතුරුව ඔවුන්ව ලබන 12 වනදා දක්වා රක්ෂිත බන්ධනාගාර ගත කළ බවයි පොලිසිය වැඩිදුරටත් සඳහන් කළේ.
