පොළොන්නරුව වකුගඩු රෝහලේ සිදුවූ හදිසි පුපුරා යෑම සම්බන්ධයෙන් නිරීක්ෂණය සඳහා සෞඛ්ය අමාත්ය නලින්ද ජයතිස්ස අද (26) පස්වරුවේ පොළොන්නරුව වකුගඩු රෝහලට පැමිණියා.
අද (26) අලුයම 04.30ට පමණ පොළොන්නරුව වකුගඩු රෝහලෙහි මුල්තැන්ගෙහි සිදුවූ හදිසි පිපිරීමත් සමග රෝහලට දැඩි අලාභා හානි සිදුවී ඇති අතර එම අනතුරෙන් රෝහලේ එක් සෞඛ්ය සේවකයෙකු මියගොස් තවත් හය දෙනකු තුවාල ලබා පොළොන්නරුව මහ රෝහලේ ප්රතිකාර ලබනවා.
මෙලෙස ජීවිතක්ෂයට පත්ව ඇත්තේ, අවුරුදු 36 ක් වූ එක්දරු පියෙකු වන අතර ඔහු ගල්ඔය ප්රදේශයේ පදිංචිකරුවෙක්.
සෞඛ්ය අමාත්යවරයා රෝහල තුළ නිරීක්ෂණය සිදුකොට සියලු කටයුතු යථා පරිදි නැවත ආරම්භ කිරීමට කටයුතු කරන බවත් විශේෂයෙන්ම රෝහල සඳහා දිනපතා පැමිණෙන වකුගඩු අකාර්මණ්ය වූ රෝගීන්ගේ ලේ පිරිසිදු කිරීමේ කටයුතු අඛණ්ඩව සිදුකරන අතර අනතුරින් ජීවිතක්ෂයට පත් වූ පුද්ගලයාගේ පවුලට අමාත්යවරයා ශෝකය ප්රකාශ කර සිටියා.
අනතුරට ලක් වී තුවාල ලබා සිටින රෝගීන් බැලිමට අමාත්යවරයා පොලොන්නරුව මහ රෝහල වෙත ද පැමිණියා.
