2025 – 2030 ජාතික ඩිජිටල් ආර්ථික සැලැස්ම සඳහා 2025-10-21 දින පැවති අමාත්ය මණ්ඩල රැස්වීමේදී අනුමැතිය ලබා දුන්නා.
එම සැලැස්ම ක්රියාත්මක කිරීම සඳහා ආංශික ඩිජිටල් සංර්වර්තනය පාලනය කිරීමට සහ ජාතික ඩිජිටල් පොදු පහසුකම් මුල පිරීම සමඟ අනුකූල වීම සහතික කිරීමට හැකිවනු පිණිස රාජ්ය ආයතන තුළ ශක්තිමත් සහ ප්රමිතිගත ආයතනික යාන්ත්රණයක් පිහිටුවීමේ අවශ්යතාව හඳුනාගෙන තිබෙනවා.
ඒ අනුව, ඩිජිටල් සංවර්තනය නිසි අයුරින් මෙහෙය වීම සහ සම්බන්ධීකරණය කිරීම සඳහාම වෙන් වූ ඒකකයක් ලෙස සියලුම රජයේ ආයතනයන් තුළ ‘ඩිජිටල් සංර්වර්තන ඒකකය’ නමින් ඒකකයක් පිහිටුවීමට යෝජනා කරනු ලැබ ඇති බව කැබිනට් ප්රකාශක අමාත්ය විජිත හේරත් පවසනවා.
එම ඒකක පිහිටුවීමේ සහ ක්රියාත්මක කිරීමේ ව්යුහය ඇතුළත් ඩිජිටල් සංවර්තන ඒකක යොමු රාමුවක් (Reference Framework) GovTech ශ්රී ලංකා ( පුද්ගලික) සමාගම විසින් සකස් කරනු ලැබ තිබෙනවා.
එකී රාමුවට අනුව ආයතන ප්රධානියාට සෘජුවම වාර්තා කරන ප්රධාන ඩිජිටල් නිලධාරියෙකු (Chief Digital Officer) ඩිජිටල් සංවර්තන ඒකකයේ ප්රධානියා ලෙස පත් කිරීමට සැලසුම් කර තිබෙනවා.
එමෙන්ම, එම ඒකකය මඟින් ව්යවසාය නිර්මාණ ශිල්පය, දත්ත සහ කෘත්රිම බුද්ධි සහාය, සයිබර් ආරක්ෂණ මාර්ගෝපදේශ, අන්තර් ක්රියාකාරිත්ව සහාය සහ උපදේශන කාර්යයන් සඳහා විශේෂඥ දැනුම GovTech ශ්රී ලංකා (පුද්ගලික) සමාගම වෙතින් රාජ්ය ආයතන වලට ලබා ගැනීමට අවස්ථාව හිමි වනවා.
ඒ අනුව, රාජ්ය ආයතන තුළ ඩිජිටල් සංවර්තන ඒකක පිහිටු වීම පිණිස ඩිජිටල් ආර්ථික අමාත්ය වශයෙන් ජනාධිපතිවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
