නව පාසල් වාරය අද (07) ආරම්භ වීමත් සමඟ පාසල් ළමුන් පිරිසකට සහ ගුරුවරුන් පිරිසකට පොලිස් ජීප් රථවලින් තම පාසලට යෑමට සිදු වී ඇති පුවතක් වාර්තා වුණා.
ඒ කොත්මලේ – පනන්ගම්මන ප්රදේශයේ තුළින්.
දිට්වා සුළි කුණාටුව හේතුවෙන් මෙම ප්රදේශය නායයෑමට ලක් වීමත් සමඟ කොත්මලේ – ගම්පොළ ප්රධාන මාර්ගයේ, රථවාහන ධාවනය සම්පූර්ණයෙන්ම ඇනහිට තිබෙනවා.
පනන්ගම්මන ප්රදේශයේ සිට කොත්මලේ නව නගරයේ පිහිටා ඇති පාසල වෙත යන ළමුන් සහ ගුරුවරුන් මේ හේතුවෙන් දැඩි දුෂ්කරතාවයකට මුහුණ පා ඇති බවයි වාර්තා වන්නේ.
ඒ පාසලට යෑමට බස් රථයක් නොමැති වීම සහ ඒ හේතුවෙන් ඔවුන්ට නායයෑමට ලක්වූ ස්ථානයේ සිට කිලෝමීටර් 2ක් දුර පා ගමනින්ම යෑමට සිදුව තිබීමයි.
මේ පිළිබඳව අවධානය යොමු කළ කොත්මලේ පොලිසියේ නිලධාරින්, පොලිසියේ ජීප් රථ දෙකක් යොදාගෙන නාය ගිය ස්ථානයේ සිට පාසල් දරුවන් සහ ගුරුවරුන් පාසල වෙත ප්රවාහනය කිරීමට පියවර ගෙන තිබෙනවා.
මේ සම්බන්ධයෙන් කළ විමසීමක දී, කොත්මලේ ඩිපෝව මඟින් අද (07) පස්වරුවේ සිට කොත්මලේ නව නගරයේ සිට නාය ගිය ස්ථානයට බස් රථයක් ධාවනය කිරීමට කටයුතු යොදා ඇති බවයි කොත්මලේ පොලිසිය සඳහන් කර ඇත්තේ.
