විදේශ මුදල් තැන්පතු විශාල වශයෙන් ඉන්දියානු බැංකු වෙත ගලා ඒමත් සමඟ එරට බැංකු පද්ධතියේ භාවිතයට පවතින අතිරික්ත මුදල් ප්රමාණය ඉතිහාසයේ ඉහළම මට්ටමට පැමිණ තිබෙනවා.
Reuters වාර්තාවකට අනුව සැප්තැම්බර් 3 වනවිට ඉන්දියානු බැංකු පද්ධතියේ ද්රවශීලතා අතිරික්තය රුපියල් ට්රිලියන 9.7ක්, එනම් ඇමෙරිකානු ඩොලර් බිලියන 102.7කට ආසන්න මට්ටමකට ළඟා වී තිබෙනවා.
එය කොවිඩ් වසංගතයෙන් පසු 2021 සැප්තැම්බරයේ වාර්තා වූ රුපියල් ට්රිලියන 9.2ක පෙර වාර්තාව ද ඉක්මවා යාමක්.
ඉන්දීය සංචිත බැංකුව හඳුන්වාදුන් විශේෂ ක්රමවේදයක් යටතේ විදේශගත ඉන්දියානුවන්ගෙන් ඩොලර් බිලියන 127.23ක විදේශ මුදල් තැන්පතු බැංකු විසින් රැස්කර තිබෙනවා. එම මුදල්වලින් විශාල කොටසක් සංචිත බැංකුව සමඟ රුපියල්වලට හුවමාරු කිරීම මෙම අතිරික්තය ඉහළ යාමට ප්රධාන හේතුවයි.
ඒ අනුව පොලී අනුපාත පාලනය සහ මූල්ය ස්ථාවරත්වය පවත්වා ගැනීම සඳහා මෙම අතිරික්ත මුදල් ප්රමාණයෙන් කොටසක් වෙළෙඳපොළෙන් ඉවත් කරගැනීමට RBI වෙත විවිධ මූල්ය මෙවලම් භාවිත කිරීමට සිදුවනු ඇති බව ආර්ථික විශ්ලේෂකයන් පෙන්වා දෙනවා.
