2026 වසරේ පළමු මාස 06 ඇතුළත බහාලුම් මෙහෙයුම් 11.9%ක කැපී පෙනෙන වර්ධනයක් වාර්තා කරමින්, කොළඹ වරාය ලොව ප්රමුඛතම බහාලුම් වරායන් 20 අතරට පිවිසීමට සමත්ව ඇති බව වරාය සහ සිවිල් ගුවන් සේවා සහ බලශක්ති අමාත්ය අනුර කරුණාතිලක පවසනවා.
අමාත්යවරයා පවසන්නේ මෙම වසරේ මුල් මාස 06 තුළදී පමණක් කොළඹ වරාය මගින් බහාලුම් 4,444,034ක් මෙහෙයවා ඇති බවයි.
මේ අතර පසුගිය 2025 වසරේ මුල් මාස 06 තුළ බහාලුම් 3,972,053ක් කොළඹ වරායෙන් මෙහෙයවා ඇති බව සඳහන් කළ අමාත්යවරයා, මෙම වසරේ එය 11.9%ක වර්ධනයක් බවයි පැවසුවේ.
එමෙන්ම පසුගිය වසර තුළ කොළඹ වරාය මඟින් බහාලුම් මිලියන 8.3ක් මෙහෙයවා ඇති බවත්, මෙම වසරේ එම සීමාව ඉක්මවා යෑමට කොළඹ වරායට හැකිවනු ඇති බවයි ඔහු සඳහන් කළේ.
කොළඹ වරාට මඟින් බහුලව ප්රති නැව්ගත කිරීම් සිදුකරන බවත්, මෙම කාලය තුළ උතුරු ඉන්දියානු සාගරයේ නාවික ක්ෂේත්රයේ ඇති වී තිබෙන වර්ධනයත් සමඟ ප්රති නැව්ගත කිරීම් සඳහා කොළඹ වරායට ඇති අවස්ථාව ඉහළ ගොස් ඇති බවයි අමාත්ය අනුර කරුණාතිලක පැවසුවේ.
