2019 වර්ෂයේ දී රාගම, වල්පොල ප්රදේශයේ පදිංචි කාන්තාවකට පහර දී ඝාතනයකිරීමේ චෝදනාවට වරදකරු වී මීගමුව මහාධිකරණය මඟින් මරණීය දණ්ඩනය නියම කර සිටින චූදිතයෙක්ව අත්අඩංගුවට ගැනීමට පොලිසිය මහජන සහාය පතනවා.
මෙම චූදිතයා අධිකරණයේ පෙනී නොසිටීම මත අපරාධ නඩුවිධාන සංග්රහයේ ප්රතිපාදන ප්රකාරව මෙම නඩුව විභාගයට ගෙන මෙලෙස දඬුවම් නියම කර ඇති බවයි පොලිසිය සඳහන් කරන්නේ.
රණේපුර දේවගේ රනුක එරන්ද විජේතුංග නැමැති මෙම චූදිතයා (ජා.හැ. අංකය -871100837V) වයස අවුරුදු 38ක අයෙක් වනවා.
උග්ගහේන, වල්පොල, රාගම ලිපිනයේ පදිංචිව සිටින මෙම පුද්ගලයා පිළිබඳව තොරතුරක් දන්නේ නම් 071 8591604 (ස්ථානාධිපති, රාගම) 071 9627561 (ස්ථානාධිපති, අපරාධ අංශය) යන දුරකථන අංක වෙත දැනුම් දෙන මෙසයි පොලිසිය මහජනතාවගෙන් ඉල්ලා සිටින්නේ.
අදාළ චූදිතයාගේ ඡායාරූපය පහතින්..
