මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ වල සුළගේ වේගය විටින් විට පැ.කි.මී. 60 වඩා වැඩි වන අතර එම මුහුදු ප්රදේශ විටින් විට ඉතා රළු විය හැකි බවට කාලගුණ විද්යා දෙපාර්තමේන්තුව පවසනවා.
එබැවින්, මෙම මුහුදු ප්රදේශයට නැවත දැනුම්දෙන තුරු යාත්රා නොකරන ලෙස නාවික සහ ධීවර ප්රජාවන්ට දැනුම් දී තිබෙනවා.
මඩකලපුව ත්රිකුණාමලය, සිට කන්කසන්තුරය, මන්නාරම හරහා හලාවතදක්වා සහ, ගාල්ල සිට මාතර දක්වා වෙරළට ඔබ්බෙන් වන මුහුදු ප්රදේශ වල සුළගේ වේගය විටින් විට පැ.කි.මී. 50 දක්වා වැඩි වන අතර එම මුහුදු ප්රදේශ විටින් විට රළු විය හැකි බවත් කාලගුණ නිවේදනයේ සඳහන්.
එබැවින් මෙම මුහුදු ප්රදේශවල ධීවර සහ නාවික කටයුතු වල යෙදෙන ධීවර සහ නාවික ප්රජාව මේ පිළිබඳව අවධානයෙන් කටයුතු කරන ලෙස කාලගුණ විද්යා දෙපාර්තමේන්තුව ඉල්ලා සිටිනවා.
මුහුදු ප්රදේශ වල ගිගුරුම් සහිත වැසි ඇති වන අවස්ථා වලදීත් තාවකාලිකව තද සුළං ඇති විය හැකි අතර ඒ අවස්ථාවලදී එම මුහුදු ප්රදේශ තාවකාලිකව ඉතා රළු වීමේ හැකියාවක්ද පවතින බවත් නිවේදනයේ සඳහන්ව තිබෙනවා.
