මීගමුව, දළුපොත, පල්ලන්සේන බන්ධනාගාරයේ ඊයේ (07) ඇති වූ නොසන්සුන්කාරී තත්ත්වය හේතුවෙන් තව දුරටත් එම බන්ධනාගාරයේ ආරක්ෂාව සඳහා පොලිස් විශේෂ කාර්ය බලකාය සහ පොලිස් නිලධාරීන් යොදවා තිබෙනවා.
ඇති වූ මෙම නොසන්සුන්කාරී තත්ත්වයෙන් පසු රැඳවියන් පිරිසක් වෙනත් බන්ධනාගර වෙත මාරුකර යවා ඇති අතර, තවත් රැඳවියන් පිරිසක් වැලිකඩ බන්ධනාගාර රෝහලටත් මාරුකර යවා ඇති බවයි වාර්තා වුණේ.
ඒ, අනුව මීගමුව බන්ධන්ගාරය වෙත රැඳවියන් 15 දෙනෙකු මාරුකර යවා ඇති අතර, තවත් රැඳවියන් 25 දෙනෙකු අඟුණුකොළපැලැස්ස බන්ධනාගාරය වෙතත් මාරුකර යවා තිබෙනවා.
මීට අමතරව පල්ලන්සේන බන්ධනාගාරයේ රඳවා සිටි තවත් රැඳවියන් 38 දෙනෙක් වැලිකඩ බන්ධනාගාර රෝහල වෙතත් මාරුකර යවා ඇති බව සඳහන්.
මෙලෙස වෙනත් බන්ධනාගාර වෙත සහ වැලිකඩ බන්ධනාගාර රෝහලට මාරුකර යැවූ රැඳවියන්ගේ නාම ලේඛනයක් අද (08) පෙරවරුවේ පල්ලන්සේන බන්ධනාගාරය ඉදිරිපිට ප්රදර්ශනය කිරීමට බන්ධනාගාර නිලධාරීන් කටයුතු කර තිබුණා.
