මීගමුව – මිනුවන්ගොඩ මාර්ගයේ බෝලවලාන ප්රදේශයේ දී මාර්ගය හරහා හරවමින් තිබූ කන්ටේනර් රථයක ගැටී මීගමුව දෙසට වේගයෙන් ධාවනය කරමින් තිබූ යතුරුපැදි දෙකක ගමන්ගත් පැදිකරුවන් දෙදෙනෙකු ජීවිතක්ෂයට පත්වීමෙන් පසුව, අදාළව කන්ටේනර් රථයට ගිනි තබා අලාභ හානි කිරීම සම්බන්ධයෙන් තිදෙනෙක් අත්අඩංගුවට ගෙන තිබෙනවා.
මෙසේ අත්අඩංගුවට ගෙන ඇත්තේ අවුරුදු 20, 25 සහ 26 වයසේ පසුවන මීගමුව දාගොන්න සහ කිඹුලපිටිය යන ප්රදේශවල පදිංචිකරුවන් තිදෙනෙක්.
ඔවුන් තිදෙනා අද (31) මීගමුව අධිකරණයට ඉදිරිපත් කිරීමට නියමිතයි.
අනතුර සිදුවූ ස්ථානය අවට ඇති CCTV දර්ශන ඇතුළු තොරතුරු මගින් කන්ටේනර් රථයට අලාභ හානි සිදුකිරීමට සම්බන්ධ සියලු සැකකරුවන් අත්අඩංගුවට ගැනීමට තවදුරටත් විමර්ශන සිදු කරන බව පොලීසිය පැවසුවා.
