ශ්රී ලංකාවේ සෑම වසරකම අකුණු සැර වැදීම හේතුවෙන් පුද්ගලයින් 50කට ආසන්න සංඛ්යාවක් ජීවිතක්ෂයට පත්වන බව මහාචාර්ය චන්දන ජයරත්න පවසනවා.
එමෙන්ම, අකුණු හේතුවෙන් දේපළ හා යටිතල පහසුකම්වලට සිදුවන හානියේ වටිනාකම වාර්ෂිකව රුපියල් බිලියනයකට ආසන්න බව ඇස්තමේන්තු කර ඇති බවත් ඔහු පෙන්වා දුන්නා.
අකුණු ආරක්ෂණය හා අකුණු අනතුරුවලින් ආයතන සුරක්ෂිත කිරීම පිළිබඳ දෙදින ප්රායෝගික පුහුණු වැඩමුළුවේ දී මාධ්ය වෙත අදහස් දක්වමින් මහාචාර්ය චන්දන ජයරත්න මේ බව සඳහන් කළා.
ආතර් සී. ක්ලාක් නවීන තාක්ෂණ ආයතනයේ දී (ACCIMT) ඊයේ (16) සහ පෙරේදා දිනයේ දී මෙම දෙදින ප්රායෝගික පුහුණු වැඩමුළුව පැවැත්වුණා.
ඒ අනුව ජාතික අවශ්යතාවය සැලකිල්ලට ගනිමින්, නවීන තාක්ෂණ ක්ෂේත්රයේ පර්යේෂණ හා සංවර්ධනය සඳහා ශ්රී ලංකාවේ ප්රමුඛතම ආයතනය වන ආතර් සී. ක්ලාක් නවීන තාක්ෂණ ආයතනය විසින් ජාතික අකුණු ආරක්ෂණ මධ්යස්ථානයක් ස්ථාපිත කිරීම සඳහා පියවර ගනිමින් සිටින බව මහාචාර්ය සඳහන් කළා.
