චීනයේ ප්රධාන නිෂ්පාදන කලාපයක පිහිටි කර්මාන්තශාලාවක හටගත් මාරාන්තික ගින්නක් හේතුවෙන් සේවකයන් රැසක් ජීවිතක්ෂයට පත්ව ඇති අතර, මෙම ඛේදවාචකයත් සමඟ චීනයේ වේගවත් නිෂ්පාදන ක්රියාවලිය තුළ පවතින බරපතළ ආරක්ෂක අඩුපාඩු නැවත වරක් කරළියට පැමිණ ඇති බව ‘වෝල් ස්ට්රීට් ජර්නල්’ පුවත්පත වාර්තා කරනවා.
සපත්තු කර්මාන්ත ශාලාවක ඇති වු මෙම ගින්නෙන් පුද්ගලයින් 28 දෙනෙක් ජීවිතක්ෂයට පත්ව තිබෙනවා.
ෆුජියන් පළාතේ ජින්ජියැං නගරයේ කර්මාන්තශාලාවේ ගින්න ඇති වන විට පුද්ගලයින් 239 දෙනෙකු සිටි බව ෂින්හුවා
ප්රවෘත්ති ඒජන්සිය පවසනවා.
213 දෙනෙකු ඉවත් කළ බවත්, ඉන් දෙදෙනෙකු ප්රතිකාර සඳහා රෝහලට ගෙන යාමෙන් පසු මිය ගිය බවත් එහි සඳහන් වුණා.
මීට පෙර අතුරුදහන් වූ බවට වාර්තා වූ තවත් 26 දෙනෙකු එම ස්ථානයේදීම මිය ගිය බව තහවුරු වී තිබෙනවා.
ගෝලීය සැපයුම් දාමයේ ඉල්ලුම සපුරාලීම සඳහා චීන කර්මාන්තශාලා දැඩි පීඩනයක් යටතේ ක්රියාත්මක වන අතර, එහිදී මූලික ආරක්ෂක ප්රමිතීන් සහ ගොඩනැගිලි රෙගුලාසි බිඳවැටීම මෙවැනි අනතුරුවලට ප්රධාන හේතුව වී ඇති බවත් සඳහන්.
අනතුර සිදුවූ කර්මාන්තශාලාව තුළ හදිසි පිටවීමේ දොරටු අවහිර වී තිබීම සහ ගිනි නිවීමේ පද්ධති නිසි පරිදි ක්රියාත්මක නොවීම හේතුවෙන් ජීවිත හානි සංඛ්යාව ඉහළ ගොස් ඇති බව මූලික විමර්ශනවලින් හෙළි වී තිබෙනවා.
ලෝකයේ ප්රමුඛතම අපනයනකරුවා ලෙස චීනය ලබා සිටින ආර්ථික ජයග්රහණ පිටුපස සේවකයන්ගේ වෘත්තීය ආරක්ෂාව බිලිදී ඇති බවට ජාත්යන්තර මානව හිමිකම් සහ කම්කරු සංවිධාන දිගින් දිගටම චෝදනා කරනවා.
මෙම සිදුවීමෙන් පසු චීන බලධාරීන් රට පුරා පිහිටි කර්මාන්තශාලාවල ආරක්ෂාව පිළිබඳ හදිසි පරීක්ෂණ ආරම්භ කර ඇති අතර, ආර්ථික ලාභය මෙන්ම සේවක ජීවිතවල ආරක්ෂාව ද තහවුරු කිරීමට දැඩි නීති පැනවීමේ අවශ්යතාව මේ වන විට දැඩි ලෙස මතු වී තිබෙනවා.
