අල්ලස් ලබා ගැනීමේ සිද්ධියක් සම්බන්ධයෙන් අත්අඩංගුවට ගත් කළුතර විශේෂ අපරාධ විමර්ශන ඒකකයේ පොලිස් පරීක්ෂකවරයා ජුලි මස 03 වනදා දක්වා රක්ෂිත බන්ධනාගාර ගතකර තිබෙනවා.
ඒ, අල්ලස් කොමිසම විසින් සැකකාර පොලිස් පරීක්ෂකවරයා අද (23) දිනයේ කොළඹ මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුවයි.
සිද්ධියට අදාළ විමර්ශන කටයුතු අවසන් වී නොමැති බවට අල්ලස් කොමිසම විසින් ඉදිරිපත් කළ කරුණු සලකා බැලූ කොළඹ අතිරේක මහේස්ත්‍රාත් ලහිරු සිල්වා මහතා සැකකරු ජුලි මස 03 වනදා දක්වා රක්ෂිත බන්ධනාගාර ගත කිරීමටයි නියම කරනු ලැබුවේ.
ව්‍යාපාරිකයෙකුගෙන් රුපියල් ලක්ෂ 10ක මුදලක් අල්ලස් ලෙස ලබා ගැනීමට යාමේ දී සැකකරු කළුතර ප්‍රදේහයේ පිහිටි සංචාරක හෝටලයක් තුළ දී ඊයේ අත්අඩංගුවට ගෙන තිබුණා.
