මේ වන විට දිවයින පුරාවට ඩෙංගු රෝගය ව්යාප්තිය, ඉහළ යමින් පවතින බව රජයේ වෛද්ය නිලධාරීන්ගේ සංගමය පවසනවා.
ඊයේ (15) දිනය වන විට වාර්තා වූ දත්ත අනුව වසරේ මේ දක්වා දිවයින පුරාවට ඩෙංගු රෝගීන් 42,000ක් වාර්තා වී ඇති අතර, එය පෙර වසරට සාපේක්ෂව ඩෙංගු රෝගීන් වාර්තා වීම 30%කින් ඉහළ යමක් බවයි එම සංගමය පෙන්වා දෙන්නේ.
මෙලෙස වාර්තා වූ රෝගීන් අතරින් 50%කට ආසන්න ප්රමාණයක් වාර්තා වී ඇත්තේ බස්නාහිර පළාතෙන් බවට පෙන්වා දෙන එම සංගමය පවසන්නේ, ඒ අතරින් කොළඹ සහ ගම්පහ යන දිස්ත්රික්ක අධි අවදානම් තත්ත්වයක් පවතින බවයි රජයේ වෛද්ය නිලධාරීන්ගේ සංගමයේ මාධ්ය ප්රකාශක වෛද්ය චමිල් විජේසිංහ සඳහන් කළේ.
එම දිස්ත්රික්ක දෙකට අමතරව ගාල්ල, මාතර සහ මහනුවර යන දිස්ත්රික්කවල ද ඩෙංගු රෝහයේ ව්යාප්තිය අධි අවදානම් මට්ටමක පවතින බවයි ඔහු වැඩිදුරටත් සඳහන් කළේ.
අධි වසංගතයක් දක්වා මෙම තත්ත්වය වර්ධය විය හැකි බව ද වෛද්ය චමිල් විජේසිංහ පවසනවා.
