ඇලහැර, ගල්මුල්ල ප්‍රදේශයේ ශ්‍රී බෝධිරාජාරාම විහාරස්ථානය බිඳ විහාරස්ථානයේ චෛත්‍යයේ සවිකර තිබූ පළිඟු චූඩාමාණික්‍ය සහ විහාරස්ථානයේ විහාර මන්දිරයේ බුදු පිළිම වහන්සේගේ රත්තරන් ඌර්ණ රෝම ධාතුව සොරුන් විසින් සොරාගෙන ගොස් තිබෙනවා.
පසුගිය 13 වනදා රාත්‍රියේ මෙම සොරකම සිදුව ඇති බවයි බකමූණ පොලීසිය සඳහන් කළේ.
ගල්මුල්ල ගම්මානයට විදුලිය සැපයෙන ප්‍රධාන සැපයුම් ස්ථානයේ ඇති පරිපථය විසන්ධි කර ගම්මානයට සම්පූර්ණයෙන්ම විදුලිය විසන්ධි කිරීමෙන් පසු මෙම සොරකම සිදුකර ඇති බව විමර්ශනවල දී අනාවරනය වී තිබෙනවා.
සොරාගෙන ගොස් ඇති චූඩාමාණික්‍ය සහ රත්තරං ඌර්ණ රෝම ධාතුවේ වටිනාකම රුපියල් ලක්ෂ 06ක් පමණ බවන බවයි
විහාරස්ථානයේ විහාරාධිපති ස්වාමීන් වහන්සේ පැවසුවේ.
සිද්ධිය සම්බන්ධයෙන් බකමූණ පොලීසිය වැඩිදුර විමර්ශන පවත්වනවා.
Very sad to hear.