පිටරටි සිට පැමිණ ලංකාවේ මාල කැඩූ දෙදෙනෙක් අතුරුගිරියේ දී අත්අඩංගුවට

මහ මඟ සැරිසරමින්, කලක සිට කාන්තාවන්ගේ රන් මාල සොරා ගැනීමේ නිරතව සිටි සැකකරුවන් දෙදෙනෙක් ඊයේ (12) අත්අඩංගුවට ගත් බව අතුරුගිරිය පොලිසිය පවසනවා.

මෙලෙස අත්අඩංගුවට ගෙන ඇත්තේ රණාල. නවගමුව ප්‍රදේශයේ පදිංචි 32 හැවිරිදි තරුණයෙක් සහ අතුරුගිරිය ආනන්ද බෝධි මාවත ප්‍රදේශයේ පදිංචි 28 හැවිරිදි තරුණයෙක්.

මෙම සැකකරුවන් මාස දෙකකට පමණ ඉහත දී විදෙස් ගතව සිට මෙරටට පැමිණ ඇති අතර, ඔවුන් අධික ලෙස මත්ද්‍රව්‍ය භාවිතයට ඇබ්බැහිව සිටින බවයි පොලිසිය වැඩිදුරටත් සඳහන් කළේ.