ඉකුත් 31 වනදා හබරාදුව, තල්පේ මුහුදු තීරයේ දිය නාමින් සිටියදී රළ පහරට හසුව ගසාගෙන ගොස් අතුරුදහන්ව සිටි 17 හැවිරිදි තරුණයාගේ මළ සිරුර අද (02) පෙරවරුවේ හබරාදුව මුහුදු වෙරළට ගොඩගසා තිබෙනවා.
පසුගියදා තල්පේ මුහුදු තීරයේ පුද්ගලයින් සිව්දෙනෙක් දිය නාමින් සිටියදී මෙලෙස රළ පහරට හසුව ගසාගෙන ගොස් ඇති බවයි වාර්තා වුණේ.
එහිදී අනතුරට ලක්වූ තිදෙනෙක් ප්රදේශවාසීන් විසින් වහා ක්රියාත්මක වී බේරාගෙන ගාල්ල ජාතික රෝහලට ඇතුළත් කිරීමට පියවර ගෙන තිබූ අතර, මෙම තරුණයා මුහුදේ ගසාගෙන ගොස් අතුරුදහන්ව සිටියා.
සිරුර සම්බන්ධයෙන් වන මරණ පරීක්ෂණ කටයුතු පැවැත්වීමෙන් අනතුරුව, පශ්චාත් මරණ පරීක්ෂණය සඳහා මෘත ශරීරය ගාල්ල ජාතික රෝහලේ මෘත ශරීරාගාරය වෙත රැගෙන ගියා.
ඔබේ ප්රතිචාරය කුමක්ද ?
+1
+1
+1
+1
+1
+1
+1
