මහනුවර විද්යාර්ථ විද්යාලය හා කුරුණෑගල මලියදේව විද්යාලය අතර ඊයේ (29) දිනයේ පැවති අන්තර් පාසල් රග්බි තරඟයෙන් අනතුරව ඇති වූ ගැටුම්කාරී තත්ත්වය සම්බන්ධයෙන් කරුණු පැහැදිලි කිරීම සඳහා විශේෂ මාධ්ය හමුවක් අද (30) පස්වරුවේ නිත්තවෙල පිහිටි ආදි විද්යාර්ථ ක්රීඩා සමාජ ශාලාවේදී පැවැත්වුණා.
විද්යාර්ථ විද්යාලීය ආදි ශිෂ්ය සංගමය මගින් මෙම මාධ්ය හමුව සංවිධානය කොට තිබූ අතර එහිදී අවධාරණය කෙරුණේ මෙම ගැටුමට සහභාගී වූයේ මලියදේව රග්බි කණ්ඩායමේ සාමාජිකයන් කීප දෙනෙක් හා මලියදේව විද්යාලයට සහයෝගය දැක්වීම සඳහා පැමිණි පිරිසක් බවයි.
මෙම පිරිසකගේ ප්රචණ්ඩකාරී හැසිරීම හේතුවෙන් තරඟය දෙවරක් නැවැත්වීමට පවා විනිසුරුවන්ට සිදු වූ බව, එහිදී අදහස් පළ කළ විද්යාර්ථ විද්යාලීය ආදි ශිෂ්ය සංගමයේ ප්රධාන ලේකම් ඉන්දික පොල්කොටුව කියා සිටියා.
තරඟයෙන් අනතුරුව කණ්ඩායම් දෙකේ ක්රීඩකයෝ අතට අත දී ආචාර කරන අවස්ථාවේ මලියදේව ක්රීඩක පාර්ශවයෙන් යම් ප්රචණ්ඩකාරී හැසිරිමක් සිදුවූ බවත් අනතුරුව එම තත්ත්වය දිගින් දිගටම පැවතිය දි එම ස්ථානයේ සිටි පොලිස් නිලධාරීන්ට තත්ත්වය පාලනය කිරීමට නොහැකි වීමෙන් තවත් පොලිස් නිලධාරීන් කණ්ඩායමක් පැමිණි පසු තත්ත්වය සමථයකට පත්කොට කුරුණෑගල නගරයෙන් විද්යාර්ථ විද්යාලීය ක්රීඩකයන් සහ දෙමව්පියන් මෙන්ම අනෙකුත් සම්බන්ධ වූවන් නගරයෙන් පිටතට යනතුරු පොලිස් ආරක්ෂාව ලබා ගැනීමට සිදුවූ බවත් ඔහු සඳහන් කළා.
මෙම තත්වය ඉතාමත් නරක පූර්වාදර්ශයක් බැවින් ඒ පිළිබඳව පාසල් රග්බී සංගමයට පැමිණිලි කිරීමට මෙන්ම අදාළ නීතිමය පියවර ගැනීමට කටයුතු කරන බවද ඉන්දික පොල්කොටුව පෙන්වා දුන්නා.
