එක්සත් අරාබි එමීර් රාජ්යයේ අබුඩාබි නුවර රැදී සිටිමින් මැදපෙරදිග යුද්ධයේ දී භාවිත කළ ඩ්රෝන යානා, මිසයිලවල ජායාරූප, වීඩීයෝ දර්ශන තම ජංගම දුරකථනවල තබා ගනිමින් සමාජ මධ්යයේ පළකර ඒවාට සිය කැමැත්ත (Like) සහ අදහස් ප්රකාශ කිරීම (Coments) යන චෝදනා මත එරට ආරක්ෂක අංශ විසින් අත්අඩංගුවට ගෙන රක්ෂිත බන්ධනාගාර ගත කර සිටි ශ්රී ලාංකික තරුණයන් 07 දෙනෙකු , එරටින් පිටුවහල්කර තිබෙනවා.
එලෙස පිටුවහල් කළ ශ්රී ලාංකිකයින් හත්දෙනා ඊයේ (27) රාත්රියේ කටුනායක ගුවන් තොටුපොළ වෙත එවා තිබුණා.
ඔවුන් ඊයේ (27) රාත්රී 09.25 ට අබුඩාබි නුවර සිට එයාර් ඇරේබියා ගුවන් සේවයේ 3.එල්.- 708 දරන ගුවන් යානයෙන් කටුනායක ගුවන් තොටුපොළ වෙත පැමිණියා.
ඔවුන් අතර 29 හැවිරිදි වියේ පසුවන අම්බලන්ගොඩ ප්රදේශයේ පදිංචිකරුවෙක්, මාරපන ප්රදේශයේ පදිංචි 23 වන හැවිරිදී තරුණයෙක්, 33 හැවිරිදි බණ්ඩාරගම ප්රදේශයේ පදිංචි අයෙක්, 23 හැවිරිදි බොරැල්ල ප්රදේශයේ පදිංචි අයෙක්, 27 වන වියේ පසුවන බොරැල්ල ප්රදේශයේ පදිංචිකරුවෙක්, 25 හැවිරිදි පොළොන්නරුව ප්රදේශයේ පදිංචි අයෙක් සහ 32 හැවිරිදි වත්තල ප්රදේශයේ පදිංචිකරුවෙක් මෙලෙස පිටුවහල් කළ පුද්ගලයින් අතර අයත්.
