අම්පාර පොලිස් වසමේ ට්රැක්ටර් හන්දිය අසල දී ටිපර් රථයක් ත්රීරෝද රථයක ගැටී ඊයේ (26) රාත්රියේ මාරක අනතුරක් සිදුව තිබෙනවා.
මෙම අනතුරින් පුද්ගලයින් දෙදෙනෙක් ජීවිතක්ෂය පත්ව ඇති බවයි පොලිසිය සඳහන් කළේ.
බුද්ධංගල දෙස සිට හොල්මන්ගල දෙසට ධාවනය වූ ටිපර් රථයක් බාලිකා වට රවුම දෙස සිට අම්පාර මහ රෝහල දෙසට ධාවනය වූ ත්රීරෝද රථයක ගැටී මෙම අනතුර සිදුව ඇති බවයි වාර්තා වුණේ.
අනතුරින් බරපතල තුවාල ලැබූ ත්රීරෝද රථයේ රියදුරු එම ස්ථානයේදීම මියගොස් ඇති අතර, ත්රීරෝද රථයේ පිටුපස ගමන් කළ තවත් පුද්ගලයින් තිදෙනෙකු අම්පාර රෝහලට ඇතුළත් කර ප්රථිකාර ලබමින් සිටියදී තවත් එක් පුද්ගලයෙකු මියගොස් තිබනවා.
මියගිය පුද්ගලයින් අවුරුදු 23 හා 24 වයස්වල පසුවන දඩයන්තලාව හා නවගම්පුර ප්රදේශවල පදිංචිකරුවන්.
අනතුරට සම්බන්ධ ටිපර් රථයේ රියදුරු අත්අඩංගුවට ගෙන ඇති අතර අම්පාර පොලිසිය විසින් වැඩිදුර විමර්ශන සිදුකරනු ලබනවා.
