ශ්රී ලන්කන් ගුවන් සමාගමේ හිටපු ප්රධාන විධායක නිලධාරි කපිල චන්ද්රසේනගේ හදිසි මරණය සැක සහිත බැවින් ඒ සඳහා අධිකරණ වෛද්යවරයා විසින් මරණ පරීක්ෂණයක් සිදු කිරීමට අවශ්ය බවත් සහ මහේස්ත්රාත් පරීක්ෂණයක් සිදු කිරීමට අවශ්ය බව කොල්ලුපිටිය පොලිසිය විසින් අද (08)දින කොටුව මහේස්ත්රාත් පසන් අමරසේන ඉදිරියේ කරුණු දැක්වූවා.
ශ්රී ලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේනගේ කොල්ලුපිටිය නිවසේ දී ඔහු සියදිවි නසාගෙන සිටි සිද්ධිය සම්බන්ධයෙන් කොල්ලුපිටිය පොලිසිය විසින් කරුණු දැක්වුවා.
මහේස්ත්රාත් මරණ පරීක්ෂණ සඳහා කොටුව මහේස්ත්රාත්වරයා පිටව යන බැවින් නඩු කටයුත්ත පැයකට කල් තබනු ලැබුවා.
තවද පොලිසිය විසින් අධිකරණයේදී කියා සිටියේ මරණයෙන් සිදු වු ස්ථානයට අධිකරණ මරණ පරීක්ෂකවරයා සහ සොකෝ (SOCO) නිලධාරීන් ගොස් ඇති බවයි.
මේ අතර අතර කොටුව මහේස්ත්රාත් පසන් අමරසේන මහතා, ශ්රී ලන්කන් ගුවන් සමාගමේ හිටපු ප්රධාන විධායක නිලධාරි කපිල චන්ද්රසේන සියදිවි නසාගෙන මියගොස් සිටි නිවසට මහේස්ත්රාත් පරීක්ෂණය සඳහා මේ වනවිට පැමිණ තිබෙනවා.
