කොල්ලුපිටිය පොලිස් වසමේ උත්තරානන්ද මාවත ප්රදේශයේ නිවාස සංකීර්ණයක දී ඊයේ (06) දින සවස කොල්ලුපිටිය පොලිස් ස්ථානයේ නිලධාරීන් කණ්ඩායමක් විසින් වැටලීමක් සිදුකර වීසා කොන්දේසි උල්ලංඝනය කරමින් මෙරට රැදී සිටිමින් නීති විරෝධී අන්දමින් මූල්ය වංචාවන් සිදු කිරීමට සැකපිට විදෙස් ජාතික සැකකරුවන් 41 දෙනෙක් හා සැකකකාරියන් 33 දෙනෙක් අත්අඩංගුවට ගෙන තිබෙනවා.
සැකකරුවන් හා සැකාරියන් අවුරුදු 19 ත් 39 ත් අතර වයස්වල පසුවන වියට්නාම් ජාතිකයින් බවයි පොලිසිය සඳහන් කාලේ.
කොල්ලුපිටිය පොලිසිය විසින් වැඩිදුර විමර්ශන සිදු කරනු ලබනවා.
එමෙන්ම ඊයේ (06) දින සවස ගන්දර පොලිස් වසමේ තළල්ල ප්රදේශයේ හෝටලයක් තුළ දී මාතර කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් විසින් වැටලීමක් සිදුකර වලංගු වීසා බලපත්ර නොමැතිව මෙරට රැදී සිටිමින් නීති විරෝධී ලෙස මූල්ය වංචාවන් සිදුකිරීම, සංචාරක වීසා මගින් ව්යාපාර සිදුකිරීම හා තීරුබදු රහිතව මෙරටට රැගෙන එන ලද දුම්වැටි ලඟ තබාගැනීම සම්බන්ධයෙන් විදෙස් ජාතික සැකකරුවන් 05 දෙනෙක් හා සැකකාරියක් අත්අඩංගුවට ගෙන ගන්දර පොලිස් ස්ථානයට ඉදිරිපත් කර තිබෙනවා.
සැකකරුවන් හා සැකකාරිය අවුරුදු 25 ත් 40 ත් අතර වයස්වල පසුවන තායිවාන් හා චීන ජාතිකයින් වනවා.
මේ සම්බන්ධයෙන් ගන්දර පොලිසිය විසින් වැඩිදුර විමර්ශන සිදු කරනු ලබනවා.
