ගූගල් සමාගම විසින් ඉන්දියාවේ ඩිජිටල් යටිතල පහසුකම් සඳහා කරන විශාලතම ආයෝජනය සනිටුහන් කරමින් ආන්ද්රා ප්රදේශ් හි විශාකාපට්නම් හි තම AI මධ්යස්ථානය ඉදිකිරීම සඳහා ඊයේ (28) මුල්ගල් තැබුවා.
මෙම ව්යාපෘතිය AdaniConneX සහ Bharti Airtel හි Nxtra සමඟ හවුල්කාරිත්වයෙන් සිදුකරනු ලබනවා.
‘වික්ෂිත් භාරත් 2047’ දැක්මට සමගාමීව ක්රියාත්මක වන මෙම ව්යාපෘතිය සඳහා ගූගල් සමාගම 2026 සිට 2030 දක්වා කාලය තුළ ඇමරිකානු ඩොලර් බිලියන 15ක දැවැන්ත ආයෝජනයක් සිදු කිරීමට නියමිතයි.
මෙම AI කේන්ද්රස්ථානය දත්ත මධ්යස්ථාන පරිශ්ර තුනකින් සමන්විත වන අතර, එය ඉන්දියාවේ ප්රථම ‘ගිගාවොට්’ මට්ටමේ කෘත්රිම බුද්ධි මධ්යස්ථානය ලෙස ඉතිහාසයට එක්වනු ඇති.
මෙම මධ්යස්ථානය මගින් ව්යාපාරික ආයතන සඳහා අවශ්ය අධිවේගී ඩිජිටල් සේවා සැපයෙන අතර, ඉන්දියාව තුළ කෘත්රිම බුද්ධි තාක්ෂණය ඔස්සේ නව්යකරණයන් සිදු කිරීමට අවශ්ය යටිතල පහසුකම් මේ හරහා නිර්මාණය වනවා.
මෙම ව්යාපෘතිය යටතේ ‘America-India Connect’ මුලපිරීම හරහා ෆයිබර් ඔප්ටික් ජාලය පුළුල් කිරීමටත්, 2030 වසර වන විට මෙගාවොට් 500ක පිරිසිදු බලශක්ති ධාරිතාවක් ළඟා කර ගැනීමේ ඉන්දීය ජාතික ඉලක්කයට සහය වීමටත් ගූගල් සමාගම සැලසුම් කර තිබෙනවා.
