ඊශ්රායල සහ ලෙබනන සටන් විරාමය සති තුනකින් දීර්ඝ කර ඇති බව ඇමරිකා එක්සත් ජනපද ජනාධිපති ඩොනල්ඩ් ට්රම්ප් පවසනවා.
ඕවල් කාර්යාලයේ ඊශ්රායල සහ ලෙබනන් නිලධාරීන් අතර පැවති හමුවකින් පසුව Truth Social හි සටහනක ට්රම්ප් මේ බව පවසා තිබෙනවා.
මේ අතර ට්රම්ප් සිය නිවේදනයේ පවසන්නේ උප ජනාධිපති ජේ.ඩී. වැන්ස් සහ රාජ්ය ලේකම් මාර්කෝ රුබියෝ ද සහභාගී වූ එම රැස්වීම ඉතා හොඳින් සිදු වූ බවයි.
මෙම මස මුලදී ධවල මන්දිරයේ දී පළමු වටයකින් ආරම්භ වූ දෙරට අතර සාකච්ඡා, 1993 වසරෙන් පසු ඔවුන් එකිනෙකා සමඟ සිදුකළ පළමු සෘජු සාකච්ඡා මෙය වුණා.
එමෙන්ම ඇමරිකා එක්සත් ජනපදය දිගුකාලීන සාම ගිවිසුමක් සඳහා මැදිහත් වීමට උත්සාහ කරන බැවින් ලෙබනන් ජනාධිපති ජෝසප් අවුන් සහ ඊශ්රායල අගමැති බෙන්ජමින් නෙතන්යාහු ඉදිරි සතිවල දී ධවල මන්දිරයට පැමිණෙන බව ට්රම්ප් පවසනවා.
ඕවල් කාර්යාලයේ දී මාධ්යවේදීන් වෙත අදහස් දක්වමින් ට්රම්ප් මේ බව පවසා තිබෙනවා.
