රුපියල් තුන් කෝටි හතළිස් හතර ලක්ෂ හැත්තෑ දහසක් වටිනා චීනයේ නිෂ්පාදිත දුම්වැටි තොගයක් සමඟ චීන ජාතිකයෙක් අද (20) අලුයම කටුනායක ගුවන් තොටුපොළේ දී අත්අඩංගුවට ගැනේ තිබෙනවා.
ගුවන් තොටුපොළ රේගු නිලධාරීන් පිරිසක් විසින් මෙලෙස අත්අඩංගුවට ගෙන ඇත්තේ 35 හැවිරිදි චීන ජාතික ව්යාපාරිකයෙකු වන අතර, ඔහු මෙරටට පැමිණි ඇති තෙවන අවස්ථාව ද මෙය වනවා.
මෙම පුද්ගලයා දුම්වැටි තොගය චීනයෙන් මිලදී ගෙන තායිලන්තයේ බැංකොක් නුවර වෙත රැගෙනවිත්, එතැන් සිට අද (20) අලුයම 12.55ට තායි ගුවන් සේවයේ ටී.ජී.- 307 දරණ ගුවන් යානයෙන් කටුනායක ගුවන් තොටුපොළ වෙත පැමිණ ඇති බවයි වාර්තා වුණේ.
එහිදී ඔහු විසින් රැගෙන ආ ගමන් මලු 13ක් තුළ දුම්වැටි වර්ග 08කට අයත් දුම්වැටි 229,800ක් අඩංගු කාටූන් 1,149ක් සඟවා තිබිය දී රේගු නිලධාරීන්ට හැකිව තිබෙනවා.
,
ඔබේ ප්රතිචාරය කුමක්ද ?
+1
+1
+1
+1
+1
1
+1
+1
