“ෂහ්සෙබ් ජාඩූන්” ලෙසද හැඳින්වෙන මුහම්මද් ෂාසෙබ් ඛාන්, එක්සත් ජනපදයට ඇතුළු වී නිව්යෝර්ක්හි බෘක්ලින්හි ප්රමුඛ යුදෙව් මධ්යස්ථානයකට ස්වයංක්රීය ආයුධවලින් සමූහ වෙඩි තැබීමක් සිදු කිරීමට උත්සාහ කිරීම සම්බන්ධයෙන් වරද පිළිගෙන තිබෙනවා.
එක්සත් ජනපද අධිකරණ දෙපාර්තමේන්තුව මේ බව නිවේදනය කළා.
ඛාන් එක්සත් ජනපද දිස්ත්රික් විනිසුරු පෝල් ජී. ගාර්ඩෙෆ් ඉදිරියේ වරද පිළිගෙන ඇති අතර 2026 අගෝස්තු 12 වැනිදා දඬුවම් නියම කිරීමට නියමිතයි.
“ඔක්තෝබර් 7 වන දින හමාස් ප්රහාරයේ සංවත්සරයට සමගාමීව, හැකි තරම් යුදෙව්වන් මරා දැමීමේ පැහැදිලි ඉලක්කය ඇතිව, නිව්යෝර්ක් නගරයේ යුදෙව් මධ්යස්ථානයක සමූහ වෙඩි තැබීමක් ඛාන් සැලසුම් කළේය,” ජාතික ආරක්ෂාව පිළිබඳ සහකාර නීතිපති ජෝන් ඒ. අයිසන්බර්ග් පැවසුවා.
විශාල යුදෙව් ජනගහනයක් සිටින නිව්යෝර්ක් නගරය ඔහුගේ ප්රහාරය සඳහා ‘පරිපූර්ණ’ ස්ථානය බව ඛාන් ප්රකාශ කළ බව පවසන අධිකරණ දෙපාර්තමේන්තුව 9/11 න් පසු එක්සත් ජනපද භූමියට එල්ල වූ විශාලතම ප්රහාරය ඔහුගේ කුමන්ත්රණය විය හැකි බව ද ඛාන් සඳහන් කර තිබෙනවා.
