ලංකා ඛනිජ තෙල් නීතිගත සංස්ථාව විසින් සිදුකළ නවතම ඉන්ධන මිල සංශෝධනයට අනුව ඉන්ධන මිල ගණන් සංශෝධනය කිරීමට ලංකා IOC සමාගම පියවර ගෙන තිබෙනවා.
ඒ අනුව, ඔක්ටේන් 92 වර්ගයේ පෙට්රල් සහ ඔටෝ ඩීසල් මිල ගණන් ලංකා ඛනිජ තෙල් නීතිගත සංස්ථාවේ මිල ගණන්වලට සමානව ඉහළ දැමීමටයි කටයුතු කර ඇත්තේ.
එහිදී රුපියල් 317ක්ව පැවති ඔක්ටේන් 92 වර්ගයේ පෙට්රල් ලීටරයක මිල රුපියල් 81 කින් ඉහළ දමා ඇති අතර, එහි නව මිල රු. 398ක්.
එමෙන්ම රුපියල් 303ක්ව පැවති සුදු ඩීසල් ලීටරයක මිල රුපියල් 79කින් ඉහළ දමා ඇති අතර, එහි නව මිල රුපියල් 382ක් ලෙස දැක්වෙනවා.
කෙසේ වෙතත්, ඔක්ටේන් 95 පෙට්රල් සහ සුපර් ඩීසල් සඳහා වන මිල සංශෝධනයන් පිළිබඳ අවසන් තීරණය එම සමාගම මෙතෙක් ප්රකාශයට පත් කර නැහැ.
රජය විසින් ඊයේ (21) මධ්යම රාත්රියේ සිට ක්රියාත්මක වන පරිදි සියලුම වර්ගයේ ඉන්ධන මිල ගණන් ඉහළ දැමීමට කටයුතු කළා.
ඒ, අනුව ඔක්ටේන් 92 වර්ගයේ පෙට්රල් ලීටරයක මිල රුපියල් 81කින් ඉහළ දමා ඇති අතර නව මිල රු.398ක්.
ඔක්ටේන් 95 වර්ගයේ පෙට්රල් ලීටරයක මිල රුපියල් 90කින් ඉහළ දමා ඇති අතර නව මිල රුපියල් 455.ක් ලෙස සටහන් වනවා.
සුදු ඩීසල් ලීටරයක මිල රුපියල් 79කින් ඉහළ දමා අති අතර නව මිල රුපියල් 382ක් ලෙස දැක්වෙන අතර,සුපිරි ඩීසල් ලීටරයක මිල රුපියල් 90කින් ඉහළ දමා ඇති අතර එහි නව මිල රු.443ක් ලෙස දැක්වෙනවා.
භූමිතෙල් මිල ද රුපියල් 60කින් ඉහළ දමා ඇති අතර එහි නව මිල රුපියල් 255ක් වනවා.
