එක්සත් ජනපදයේ ජාතික බුද්ධි අංශ අධ්යක්ෂ තුල්සි ගැබාර්ඩ්, ගෝලීය ආරක්ෂක තර්ජන උත්සන්න වීම පිළිබඳ දැඩි අනතුරු ඇඟවීමක් නිකුත් කර ඇති අතර, රුසියාව, චීනය, උතුරු කොරියාව සහ පාකිස්ථානය එක්සත් ජනපදය මුහුණ දෙන වැදගත්ම න්යෂ්ටික අභියෝග ලෙස හඳුනාගෙන ඇතැයි සඳහන් කර තිබෙනවා.
ඇගේ මේ ප්රකාශය සිදුවන්නේ. භූ දේශපාලනික ආතතිය ඉහළ ගොස් ඇති සහ එක්සත් ජනපද විරුද්ධවාදීන් අතර මිසයිල හැකියාවන් වේගයෙන් ව්යාප්ත වීම පිළිබඳව වැඩිවන කනස්සල්ලක් පවතින අවස්ථාවකයි.
සෙනෙට් මණ්ඩලයේ බුද්ධි අංශ කමිටුව ඉදිරියේ ඇයගේ සාක්ෂියේදී, ගැබාර්ඩ් පැවසුවේ, එක්සත් ජනපදයට පහරදිය හැකි මිසයිල සංඛ්යාව 2035 වන විට 16,000 ඉක්මවනු ඇති බවයි.
වර්තමාන ඇස්තමේන්තුව ආසන්න වශයෙන් 3,000 ක් පමණ වනවා.
ඉරානය, ත්රස්තවාදී තර්ජන සහ උපායමාර්ගික ගැටළු ඇතුළු බටහිර ආසියාවේ වර්ධනයන් පිළිබඳ පැහැදිලි කරමින්, 2025 ජුනි මාසයේදී සිදුකරන ලද එක්සත් ජනපද මිලිටරි ප්රහාර මගින් ඉරානයේ න්යෂ්ටික පොහොසත් කිරීමේ වැඩසටහනට මුළුමනින්ම අතු ගා දැමූ බව පවසන ගැබාර්ඩ් එය යළි ගොඩනැගීමට වසර ගණනාවක් ගත වනු ඇතැයි පැවසුවා.
එසේ තිබියදීත්, ඉරානය එහි ප්රොක්සි කණ්ඩායම් ජාලය සහ මිලිටරි හැකියාවන් හරහා සැලකිය යුතු කලාපීය තර්ජනයක් එල්ල කිරීම දිගටම කරගෙන යන බවට ඇය අනතුරු ඇඟවූවා.
ඇගේ තක්සේරුවට අනුව, බටහිර ආසියාව පුරා එක්සත් ජනපද හමුදා සහ මිත්ර පාක්ෂික ඉලක්ක වෙත පහරදීමේ හැකියාව ඉරානයට තවමත් තිබෙනවා.
