ඇමරිකා එක්සත් ජනපදය විසින් රුසියානු තෙල් සහ දැනට මුහුදේ යාත්රාවලට පටවා ඇති ඛනිජ තෙල් මිලදී ගැනීමට රටවලට අවසර දී තිබෙනවා.
එක්සත් ජනපද භාණ්ඩාගාර දෙපාර්තමේන්තු ලේකම් ස්කොට් බෙසන්ට් පැවසුවේ මෙම අවසරය අප්රේල් 11 දක්වා පවතිනු ඇති බවයි.
“ගෝලීය බලශක්ති වෙළඳපොළවල ස්ථාවරත්වය ප්රවර්ධනය කිරීම” සඳහා මෙම තාවකාලිකව අවසරය ලබා දුන් බවයි ස්කොට් බෙසන්ට් පැවසුවේ.
මෙම කෙටි කාලීන පියවර අදාළ වන්නේ දැනටමත් ප්රවාහනයේ පවතින තෙල් සඳහා පමණක් වන අතර, රුසියානු රජයට සැලකිය යුතු මූල්ය ප්රතිලාභයක් ලබා නොදීමටත් පියවර ගන්නා බවයි ඔහු වැඩිදුරටත් සඳහන් කර සිටියේ.
මේ අතර මීට පෙර එක්සත් ජනපදය විසින් ඉන්දියාවට රුසියානු තෙල් මිලදී ගැනීමට දින 30ක සහන කාලයක් ලබාදීමට කටයුතු කළා.
බෙසන්ට් තවදුරටත් පැවසුවේ තෙල් මිලෙහි තාවකාලික වැඩිවීම කෙටි කාලීන සහ තාවකාලික බාධාවක් වන අතර, එය දිගු කාලීනව ඇමරිකාවට සහ ආර්ථිකයට දැවැන්ත ප්රතිලාභයක් ලබා දෙනු ඇති බවයි.
