ඉරානයට අයත් යුද නෞකාවක් වන අයිරිස් ඩෙනා නෞකාවට ඉන්දියන් සාගරයේ දී ටෝපිඩෝ ප්රහාරයක් එල්ල කළ එක්සත් ජනපද සබ්මැරීනයේ ඕස්ට්රේලියානුවන් තිදෙනෙක් සිට ඇති බවට අනාවරණය වී තිබෙනවා.
ඕස්ට්රේලියානු අග්රාමාත්ය ඇන්තනි ඇල්බනීස් ස්කයි නිවුස් සමඟ පැවති සම්මුඛ සාකච්ඡාවක දී මේ බව අනාවරණය කළා.
“අපි සාමාන්යයෙන් එවැනි ගැටළුවක් තහවුරු නොකරමු, නමුත් අපගේ ජාතික ආරක්ෂක කමිටු රැස්වීම් සහ මහජන උනන්දුව සැලකිල්ලට ගෙන, එම නෞකාවේ ඕස්ට්රේලියානු පුද්ගලයින් තිදෙනෙකු සිටි බව මට තහවුරු කළ හැකියි, කෙසේ වෙතත්, කිසිදු ඕස්ට්රේලියානු පුද්ගලයෙකු ඉරානයට එරෙහි කිසිදු ප්රහාරාත්මක ක්රියාමාර්ගයකට සහභාගී වී නොමැති බව මට තහවුරු කළ හැකිය.” ඇල්බනීස් අග්රාමාත්යවරයා එහිදී පවසා තිබෙනවා.
ඕස්ට්රේලියානු අග්රාමාත්යවරයා වැඩිදුරටත් සඳහන් කර ඇත්තේ ඕස්ට්රේලියානු-එක්සත් ජනපද හමුදා ගිවිසුමේ කොටසක් ලෙස
මිත්ර හමුදා සමඟ එම ඕස්ට්රේලියානුවන් තිදෙනා සබ්මැරීනයේ “අත්දැකීම්” ලබාගනිමින් සිටින බවයි.
අයිරිස් ඩෙනා ඉරාන යුද නෞකාවට පෙරේදා අලුයම් කාලයේ එල්ල කළ ටෝපිඩෝ ප්රහාරයෙන් වශයෙන් ඉරාන නාවිකයින් 87 දෙනෙකු මිය ගිය අතර,තවත් 32 දෙනෙකු ශ්රී ලංකා නාවික හමුදාව විසින් බේරාගනු ලැබුවා.
මෙම එක්සත් ජනපද ප්රහාරයෙන් පසු තවත් නාවිකයින් කිහිප දෙනෙකු අතුරුදහන් වී ඇති බවයි තොරතුරු වාර්තා වුණේ.
