“රටම එකට ජාතික මෙහෙයුම” වැඩසටහනට සමගාමීව ක්රියාත්මක වන විෂ මත්ද්රව්ය නිවාරණ සතිය අද ( 01) සිට ආරම්භ වනවා.
අදින් ඇරඹෙන මෙම සතිය “විෂ මත්ද්රව්ය නිවාරණ සතිය ” ලෙස ප්රකාශයට පත්කිරීමට විෂ මත්ද්රව්ය ව්යසනය පිටුදැකීම සඳහා වන “රටම එකට” ජාතික මෙහෙයුම් සභාව තීරණය කරන ලද අතර, මීට අදාළ අංක 07 / 2026 දරණ රාජ්ය පරිපාලන චක්රලේඛය මේ වන විට නිකුත් කර තිබෙනවා.
මෙහිදී, විෂ මත්ද්රව්ය අලෙවිය පාලනය කර මර්දනය කිරීමත් විෂ මත්ද්රව්ය භාවිතයට ඇබ්බැහි වූවන් ඉන් මුදා ගෙන පුනරුත්ථාපනයට යොමු කිරීමත් යන මූලික අරමුණු දෙක ඉටු කර ගැනීම වෙනුවෙන් අවශ්ය ජනතා දැනුවත් භාවය හා දියුණු සමාජ කතිකාවතක් ඇති කිරීම වෙනුවෙනුයි මෙම විශේෂ සතිය ප්රකාශයට පත් කර ඇත්තේ.
මෙම සතිය තුළ රාජ්ය ආයතන, පාසල් හා බිම් මට්ටමින් පුළුල් දැනුවත් කිරීමේ මෙහෙයුමක් ක්රියාත්මක කිරීමට නියමිතය අතර, රජයේ අමාත්යාංශ ඇතුළු සියලු අනුබද්ධ ආයතනයන්හි නිලධාරීන්ගේ දායකත්වයෙන් වැඩසටහන් රැසක් සංවිධානය කර ඇති බව සඳහන්.
පාසල් ගුරුවරු හා සිසු දරුවන් මෙන්ම පොදු මහජනතාව දැනුවත් කිරීම සඳහා විවිධාංගීකරණය කරන ලද නව වැඩසටහන් ක්රියාත්මක කිරීමට කටයුතු යොදා ඇති අතර, පොදු ප්රවාහනයේ නියුතු බස් රථ, ත්රිරෝද රථ හා පාසැල් ප්රවාහන රථ මූලික කරගෙන විවිධ ප්රචාරක ක්රියාකාරකම් සිදු කිරීමට ද නියමිතයි.
