කළුතර ප්රදේශයේ වෙළඳසැලක් කඩා එහි තිබූ රුපියල් හතලිස් දහසකට ආසන්න වටිනාකමකින් යුත් ටොෆී, චොකලට් සොරකම් කළ ගැහැණු ළමුන් තිදෙනෙක් අත්අඩංගුවට ගත් බව කළුතර දකුණ පොලිසිය පවසනවා.
මෙලෙස අත්අඩංගුවට ගෙන ඇත්තේ කළුතර ප්රදේශයේ ළමා නිවාසයක නේවාසිකව සිටින වයස අවුරුදු 13, 14 සහ 15 යන වයස්වල පසුවන ළමුන් තිදෙනෙක්.
පොලිසිය විසින් ආරක්ෂිත කැමරා දර්ශන පරීක්ෂා කිරීමෙන් පසු සොරකමට සම්බන්ධ ළමුන් හදුනාගෙන ඇති අතර, පසුව ළමා නිවාසය පරීක්ෂා කිරීමේ දී එහි තිබී සොරකම් කරන ලද ටොෆී, චොකලට්, ලොලිපොප්, චුයින්ගම් සහ පෙපර්මින්ට් තොගයක් සොයාගෙන තිබෙනවා.
සැකකාර ළමුන් තිදෙනා ළමා නිවාසයේ යතුර සොරකම් කර, අලුයම් කාලයේ ඉන් පිටවී, වෙළඳසැලේ ඉදිරිපස වීදුරුවට පොල්ලකින් පහරදී බිද ඊට ඇතුළු වී මෙම සොරකම සිදුකර තිබෙනවා.
අනතුරුව සොරාගත් ටොෆී, චොකලට් පොලිතින් බෑග්වල දමාගෙන ළමා නිවාසයට රැගෙන විත් සඟවා ඇති බවයි ආවරණය වී ඇත්තේ.
සැකකාර දැරියන් තිදෙනා කළුතර මහේස්ත්රාත් අධිකරණයට ඉදිරිපත් කිරීමට නියමිතව තිබුණා.
