20-20 ලෝක කුසලාන ක්රිකට් තරගාවලියේ සුපිරි අටදෙනාගේ තරග වටයේ පළමු තරගය ක්රීඩා කළ ශ්රී ලංකාව අද (22) අවමන් සහගත පරාජයක් හිමිකර ගත්තා.
එංගලන්ත කණ්ඩායම හමුවේ ශ්රී ලංකාව මෙම තරගය පරාජය වුණේ ලකුණු 51කින්.
මෙම තරගයේ පළමුව පන්දුවට පහර දුන් එංගලන්තය නියමිත පන්දුවාර 20 අවසානයේ කඩුලු 09ක් දැවී ලකුණු 146ක් සිය ලකුණු පුවරුවට එක් කළා.
එංගලන්ත ඉනිමේ නැංගුරම බවට පත් වූ ෆිල් සෝල්ට් ලකුණු 62ක් රැස්කළ අතර, විල් ජැක්ස් ලකුණු 21ක් රැස් කිරීමට සමත් වුණා.
පන්දු යැවීමේ දී සුපිරි පන්දු යැවීමක ශ්රී ලංකා පන්දු යවන්නන් නිරත වූ අතර, එහිදී දුනිත් වෙල්ලාලගේ කඩුලු 03ක් සහ දිල්ශාන් මධුසංක සහ මහීෂ් තීක්ෂණ කඩුලු 02 බැඟින් බිඳ දැමුවා.
අනතුරුව පිළිතරු ඉනිම ක්රීඩා කළ ශ්රී ලංකා පිතිකරුවන්ට පන්දුවාර 16යි පන්දු 04ක් තුළ සියල්ලන් දැවී රැස්කරගත හැකි වුයේ ලකුණු 95ක් පමණයි.
මෙම තරගයේ දී ශ්රී ලංකා පිතිකරුවන්ගේ දියාරු පිතිකරණය කැපී පෙනුණා.
මෙහිදී එංගලන්ත දඟ පන්දු යවන්නන් හමුවේ අන්ත අසරණ වූ ශ්රී ලංකාව කඩුලු 07ක් එංගලන්ත දඟ පන්දු යවන්නන්ට පූජා කළා.
පන්දු යැවීමේ දී විල් ජැක්ස් ලකුණු 22 කට කඩුලු 03ක් සහ ලියම් ඩෝසන් සහ ආදිල් රෂීඩ් කඩුලු 02 බැඟින් බිඳ දැමුවා.
මීට අමතරව ජොෆ්රා ආචර් ශ්රී ලංකා ඉනිමේ කඩුලු 02ක් දවාගත්තා.
ශ්රී ලංකා පිළිතුරු ඉනිම වෙනුවෙන් නායක දසුන් ශානක ලකුණු 30 රැස්කළ අතර, කමිඳු මෙන්ඩිස් ලකුණු 13ක් රැස් කළා.
අනෙකුත් කිසිඳු පිතිකරුවෙකුට ලකුණු 10 සීමාව ඉක්මවා යෑමට එංගලන්තය පන්දු යවන්නන් ඉඩ ලබාදුන්නේ නැහැ.
ඒ, අනුව මෙම තරගය ලකුණු 51කින් ජය ගන්නට එංගලන්තයට හැකියාව ලැබුණා.
