සංචරණ සීමා උල්ලංඝනය කිරීම හේතුවෙන් ගතවූ දිනයේ පුද්ගලයින් 1,034 දෙනෙකු අත්අඩංගුවට ගෙන ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කළා.මේ අතර සංචරණ සීමා උල්ලංඝනය කරමින් කැස්බෑව ප්‍රදේශයේ ඊයේ රාත්‍රි පැවැත්වූ උපන් දින සාදයක් වැටලූ පොලිසිය කාන්තාවන් 5 දෙනෙකු ඇතුලු පුද්ගලයින් 10 දෙනෙකු අත්අඩංගුවට ගෙන තිබෙනවා.
සංචරණ සීමා පැනවීමත් සමඟ අත්‍යවශ්‍ය සේවා සඳහා කොළඹට ඇතුළු වන රථ වාහන පරීක්ෂාව අදත් සිදුකෙරුණා.
මේ අතර, සංචරණ සීමා සහ නිරෝධායන නීති කඩ කරමින් කැස්බෑව හල්පිට ප්‍රදේශයේ හෝටලයක පවත්වමින් තිබූ උපන් දින සාදයක් ඊයේ රාත්‍රියේ කැස්බෑව පොලිසිය විසින් වටලනු ලැබුවා.
එහිදී කාන්තාවන් 5 දෙනෙකු ඇතුලු පුද්ගලයින් 10 දෙනෙකු පොලිසිය අත්අඩංගුවට ගෙන තිබෙනවා.
සැකකරුවන් කැස්බෑව මහේස්ත්‍රාත් අධිකරණයට ඉදිරිපත් කිරීමෙන් පසු එක් අයෙකුට රුපියල් 4000ක දඩ නියම කර එම පිරිස නිරෝධායනය සඳහා යොමු කර තිබෙනවා.
දිවයින පුරා පිහිටි විශේෂ ආර්ථික මධ්‍යස්ථාන ඉදිරියේදී තවත් දින දෙකක් විවෘත කිරීමට තීරණය කර තිබෙනවා.
කෘෂිකර්ම රාජ්‍ය අමාත්‍යංශය නිවේදනය කළේ ඒ අනුව ජූනි 12 සහ 13 වන දිනවල විශේෂ ආර්ථික මධ්‍යස්ථාන තොග වෙළෙඳාම සඳහා විවෘතව තැබෙන බවයි.
කෙසේ වෙතත් පෑලියගොඩ මැනිං වෙළෙදපොළහි එළවළු මිල ඉතා ඉහල බැවින් වෙළෛදුන් එළවළු මිලදී ගැනීම අවම වී ඇති බව මැනිං පොදු වෙළෙද සමිතිය සඳහන් කළා.පැළියගොඩ මාළු වෙළෙදපොල අදත් විවෘතව පැවතියද පාරිභාගිකයින් පැමිණීමේ අඩුවක් පවතින බවට වෙළෙදුන් මැසිවිලි නගනවා.
