මෙරට සමාජ මාධ්ය සහ අන්තර්ජාලය ඔස්සේ සිදුවන මූල්ය වංචා ඉහළයමින් පවතින බව පොලිස් මාධ්ය ප්රකාශක එෆ්.යූ. වුට්ලර් පවසනවා.
එලෙස වංචනික ක්රියා සිදු කරන පුද්ගලයන්ගේ ඉලක්කය බවට පත්ව ඇත්තේ තරුණ පිරිස්, ඉතාමත් වැඩිහිටි පිරිස් සහ අන්තර්ජාලය සඳහා මෑතකදී ප්රවිෂ්ඨ වූ පිරිස් බවයි පොලිස් මාධ්ය ප්රකාශකවරයා සඳහන් කළේ.
ප්රසිද්ධ පුද්ගලයෙක්ගේ හෝ ප්රසිද්ධ ආයතනයක නාමයන් භාවිත කරමින් සුවිශේෂී විශේෂ උපක්රම යොදාගෙන මේ වංචනිකයන් විසින් දුරකථන අංක, මුරපද සහ OTP අංකයන් ලබා ගැනීම හරහා මෙම මුල්ය වංචාවන් සිදුකරන බවයි පොලිස් මාධ්ය ප්රකාශකවරයා දැනුම්දෙන්නේ.
එමෙන්ම දිනුම් ඇදීම් යැයි පවසමින් ඔබගේ රහස්ය දත්ත ලබාගෙන ඔවුන් මෙම වංචාවන් සිදුකරගෙන යන බවත් ඔහු පෙන්වා දෙනවා.
ඒ අනුව මෙලෙස යම් කිසි පුද්ගලයෙක් විසින් ඔබ සමඟ සම්බන්ධතාවයක් ගොඩ නඟා ගැනීමට උත්සහ කරන්නේ නම් ඒ පිළිබදව ළඟම පොලිසිය දැනුවත් කිරීමට සහ ඉන් ඉදිරියට අවශ්ය පියවර ගන්නා ලෙස පොලිස් මාධ්ය ප්රකාශකවරයා පවසනවා.
තවද 2026 වර්ෂයේ දී මෙම මූල්ය වංචාවන් මැඩපැවැත්වීම සඳහා පරිඝනක අපරාධ විමර්ශන කොට්ඨාසය මඟින් සැලසුම් සහගතව ක්රියාත්මක වන බවත් එවැනි වංචාවන් පිළිබදව 011 – 2300638, 011 – 2381058 යන දුරකථන අංක ඔස්සේ දැනුම් දීමේ හැකියාවද පවතින බවත් පොලිස් මාධ්ය ප්රකාශවරයා වැඩිදුරටත් සඳහන් කළා.
