අධිකරණ සේවා කොමිෂන් සභාවේ ක්රියාවලිය සම්බන්ධයෙන් සොයා බැලීමට පාර්ලිමේන්තු තේරීම් කාරක සභාවක් පත් කරන ලෙසට ඉල්ලා විපක්ෂය කළ යෝජනාවක් කතානායක වෛද්ය ජගත් වික්රමරත්න අද (09) ප්රතික්ෂේප කළා.
දීර්ඝ කරුණු දැක්වීමකින් අනතුරුව කතානායකවරයා සඳහන් කළේ විපක්ෂය කරන ලද ඉල්ලීම පිළිගැනීමට නොහැකි බවයි.
අධිකරණ සේවා කොමිෂන් සභාවට බලපෑම් කිරීමට හැකියාවක් පාර්ලිමේන්තුවට නොමැති බවද මෙම කරුණු දැක්වීමේ දී කතානායකවරයා සඳහන් කළා.
එමෙන්ම විනිසුරුවන්ගේ උසස් වීම්, මාරුවීම් සහ විනය ක්රියාමාර්ග සම්බන්ධ කටයුතු සිදුකිරීමට ආණ්ඩුක්රම ව්යවස්ථාවෙන් බලතල ලබා දී ඇත්තේ අධිකරණ සේවා කොමිෂන් සභාවට බව සඳහන් කළ කතානායකවරයා, එයට බලපෑම් කිරීමට ව්යවස්ථාදායකයට සුදුසු නොවන බවයි සඳහන් කර සිටියේ.
