වෙන්නප්පුව, වයික්කාල ප්රදේශයේ දී නීති විරෝධී මත්පැන් හෙවත් කසිප්පු පානය කිරීම හේතුවෙන් පුද්ගලයින් හයදෙනෙකු මිය යාමේ සිද්ධියට අත්අඩංගුවට ගෙන ඇති ප්රධාන සැකකරුව දින 02ක කාලයක් රඳවාගෙන ප්රශ්න කිරීමට මාරවිල මහේස්ත්රාත්වරයා වෙන්නප්පුව පොලීසියට අවසර ලබා දී තිබෙනවා.
වෙන්නප්පුව, බණ්ඩිරිප්පුව, ගාලවත්ත ප්රදේශයේ පදිංචි 47 හැවිරිදි අයෙකු මෙලෙස රඳවා ගෙන ප්රශ්ණ කිරීමට අවසර ලැබී ඇත්තේ.
නීතිවිරෝධී මත්පැන් ජාවාරමට සම්බන්ධ වෙන්නප්පුව, බණ්ඩිරිප්පුව, ගාලවත්ත ප්රදේශයේ පදිංචි ප්රධාන සැකකරු පෙරේදා (07) දිනයේ අත්අඩංගුවට ගැනීමටයි පොලිසිය කටයුතු කර තිබුණේ.
මේ අතර විමර්ශන නිලධාරින් විසින් නීතිවිරෝධී මත්පැන් ජාවාරම් කළ සැකකාරියන් දෙදෙනෙකු අත්අඩංගුවට ගෙන පෙරේදා (07) දිනයේ මාරවිල මහේස්ත්රාත් අධිකරණය වෙත ඉදිරිපත් කෙරුණා.
එම සැකකාරියන් දෙදෙනා ලබන 19 වනදා දක්වා රක්ෂිත බන්ධනාගාර ගත කෙරුණා.
පසුගිය 06 වන දින වෙන්නප්පුව පොලිස් වසමේ දී නීති විරෝධී මත්පැන් පානය කළ පුද්ගලයන් 06 දෙනෙකු මියගියා.
මියගිය පුද්ගලයන් සම්බන්ධයෙන් සිදුකළ පශ්චාත් මරණ පරීක්ෂණයේ දී අනාවරණය වී ඇත්තේ මීතේන් ඇල්කොහොල් විෂ වීමෙන් මෙම මරණ සිදුවී ඇති බවයි.
මේ අතර මෙම විෂ සහිත නීති විරෝධී මත්පැන් පානය කළ තවත් පුද්ගලයන් 08 දෙනෙකු රෝහල් ගතව ප්රතිකාර ලබනවා.
