සංචාරක පකිස්ථාන කණ්ඩායම සහ ශ්රී ලංකාව අතර විස්සයි විස්ස තරගාවලිය හෙට (07) දඹුල්ලේ දී ආරම්භ වනවා.
ඒ අනුව තරගාවලිය ආරම්භ වීමට ප්රථමව දෙරටේ නායකයින්ගේ සහභාගීත්වයෙන් පැවැත්වෙන මාධ්ය හමුව අද (06) පැවැත්වුණා.
එහිදී ශ්රී ලංකා විස්සයි විස්ස කණ්ඩායමේ ආරම්භක පිතිකරු යුගළ සම්බන්ධයෙන් මාධ්යවේදීන් ශ්රී ලංකා විස්සයි විස්ස නායක දසුන් ශානකගෙන් විමසා සිටියා.
එහිදී ඔහු සඳහන් කර සිටියේ පාකිස්තානයේ පැවැත්වුණු විස්සයි විස්ස තුන්කොන් තරගාවලියේ ආරම්භක පිතිකරුවන් ලෙස කටයුතු කළ පැතුම් නිස්සංක සහ කාමිල් මිශාර ඉදිරියටත් ආරම්භ පිතිකරුවන් ලෙස යොදා ගැනීමට බලාපොරොත්තු වන බවයි.
”මම හිතන්නේ කාමිල් මිශාර ඉතාමත් හොඳින් ක්රිඩා කරා පහුහිය තරගාවලියෙදී, අපිට අවස්ථාවක් එනවා කැරියර් එකෙදී, මොකද විශේෂයෙන්ම ජාතික කණ්ඩායමට සෙල්ලම් කරද්දී තමන් ක්රීඩා කරන ස්ථාන කැප කරන්න , ඉතින් කුසල් මෙන්ඩිස් තමන්ගේ තැන දීලා තියෙනවා කමිල් මීෂාරට, ඒ වගේම වගකීමක් අරන් තියනවා නොම්බර් තුනේ. ඉතින් එක ඉතාමත් හොද දෙයක්. මම හිතන්නේ දෙදෙනාම ඒ තැන්වල ක්රිඩා කරයි කියලා දිගටම” යැයි දසුන් ශාක වැඩිදුරටත් පවසා සිටියා.
