ශ්රී ලංකාවට නැගෙනහිර දෙසින් පහළ වායුගෝලයේ කැළඹිලි ස්වභාවයක් වර්ධනය වෙමින් පවතින බව කාලගුණ විද්යා දෙපාර්තමේන්තුව නිවේදනය කරනවා.
ඒ, අනුව ඉදිරි දිනවල දී දිවයිනේ උතුරු, නැගෙනහිර සහ ඌව පළාත්වල පවතින වැසි තත්ත්වයේ වැඩිවීමක් බලාපොරොත්තු විය හැකි බවයි එම දෙපාර්තමේන්තුව සඳහන් කරන්නේ.
ඊට අමතරව නැගෙනහිර, මධ්යම, උතුරු මැද සහ ඌව පළාත්වල විටින් විට වැසි ඇති විය හැකියි.
මධ්යම සහ ඌව පළාත්වලත් මඩකළපුව සහ අම්පාර දිස්ත්රික්කවලත් ඇතැම් ස්ථානවලට මිලි මීටර් 50 ට වැඩි තරමක තද වැසි ඇති විය හැකි බවයි එම දෙපාර්තමේන්තුව පවසන්නේ.
උතුරු පළාතේ වැසි වාර කිහිපයක් ඇති විය හැකි අතර,සෙසු ප්රදේශවල පස්වරු 2.00 න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකියි.
බස්නාහිර සහ වයඹ පළාත් වල වෙරළබඩ ප්රදේශවල උදැසන කාලයේදී වැසි ස්වල්පයක් ඇති විය බව පවසන කාලගුණ විද්යා දෙපාර්තමේන්තුව ගිගුරුම් සහිත වැසි සමඟ ඇති විය හැකි තාවකාලික තද සුළං වලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් ඉල්ලා සිටිනවා.
