මහනුවර දිස්ත්රික් ලේකම් කාර්යාල පරිශ්රයේ බෝම්බයක් ඇති බවට, යළිත් වරක් විද්යුත් පණිවිඩයක් දිස්ත්රික් ලේකම් කාර්යාලයේ නිල විද්යුත් තැපැල් ලිපිනයට ලැබී තිබෙනවා.
මෙම විද්යුත් පණිවිඩය සමඟ දිස්ත්රික් ලේකම් කාර්යාලයේ යම් නොසන්සුතාවක් හටගෙන තිබූ අතර, සේවකයින් විශාල පිරිසක් නිවාඩු දමා පිටව ගොස් ඇති බවයි වාර්තා වුණේ.
දිස්ත්රික් ලේකම් කාර්යාල පරිශ්රයේ බෝම්බයක් ඇටවූ වාහනයක් නතර කර ඇති බවට ලද විද්යුත් පණිවිඩයක් අද (26) පෙරවරුවේ එම කාර්යාලයේ නිල විද්යුත් තැපැල් ලිපිනයට ලැබී තිබූ අතර, ඒ සමඟ ආරක්ෂක අංශ කැඳවා විශේෂ සෝදිසි මෙහෙයුමක් ආරම්භ කළා.
පැය දෙකකට වැඩි කාලයක් එම මෙහෙයුම් ක්රියාත්මක කෙරුණු අතර, බෝම්බ නිෂ්ක්රීය අංශය, පොලිස් නිල සුනඛ කොට්ඨාසය සහ පොලිස් විශේෂ කාර්ය බලකාය මෙම මෙහෙයුම සඳහා එක්ව සිටියා.
එහිදී කාර්යාල පරිශ්රයේ නවතා තිබූ සියලුම වාහන දැඩි සෝදිසි කිරීමකට ලක්කර අතර, පසුව අදාළ විද්යුත් පණිවිඩය ව්යාජ එකක් බවට පොලිසිය තහවුරු කරගත්තා.
කෙසේ වෙතත් එවැනිම පණිවුඩයක් දෙවන වරටත් ලැබීමෙන් පසු ආරක්ෂක අංශ එහි කැඳවා මේ වනවිට සෝදිසි මෙහෙයුම් ආරම්භ කර ඇති බවයි වාර්තා වුණේ.
