පවතින උත්සව සමය නිමිත්තෙන් ගාලු මුවදොර පරිශ්රයට පැමිණෙන දහස් සංඛ්යාත ජනතාවගේ පහසුව සහ ආරක්ෂාව තහවුරු කිරීම සඳහා, ආරක්ෂක ලේකම්වරයාගේ උපදෙස් මත ජනාධිපති ලේකම් කාර්යාලය ඉදිරිපිට ගාලු මුවදොර පරිශ්රයේ විශේෂ “මහජන සහාය සේවා මධ්යස්ථානයක්” හෙට (21) දිනයේ සිට ස්ථාපිත කෙරෙන බව ජනාධිපති මාධ්ය අංශය විසින් නිවේදනය කර තිබෙනවා.
ත්රිවිධ හමුදාවේ සහ ශ්රී ලංකා පොලීසියේ ඒකාබද්ධ දායකත්වයෙන් ක්රියාත්මක වන මෙම මධ්යස්ථානය හරහා මහජනතාවට අවශ්ය සහය කඩිනමින් ලබාදීම සඳහා පූර්ණ ආරක්ෂිත වැඩපිළිවෙළක් ක්රියාවට නංවනු ඇති බවයි වාර්තා වන්නේ.
මෙම මහජන සහාය සේවා මධ්යස්ථානය මහජනතාවට අවශ්ය මඟපෙන්වීම් ලබාදෙන ප්රධාන මධ්යස්ථානය ලෙස ක්රියාත්මක වන අතර, හදිසි අවස්ථාවකදී හෝ අනපේක්ෂිත සිදුවීමකදී කඩිනම් සහාය ලබාදීමටත්, සම්බන්ධීකරණ කටයුතු සිදුකිරීමටත් ස්ථාපිත කර තිබෙනවා.
ගාලු මුවදොර ප්රදේශයේ මහජන ආරක්ෂාව තහවුරු කිරීම, පවතින තත්ත්වයන් පිළිබඳ විමසිලිමත් වීම සහ ඕනෑම හදිසි අවස්ථාවකට කඩිනමින් ප්රතිචාර දැක්වීම මෙහි මූලික අරමුණ බවයි පැවසෙන්නේ.
ආරක්ෂක සහ සම්බන්ධීකරණ කටයුතුවලට අමතරව, හදිසි වෛද්ය අවශ්යතා සහ ප්රථමාධාර සැපයීම සඳහා ගිලන් රථ සේවාවන් සහ වෛද්ය සහාය ද එම පරිශ්රයේ සලසා තිබෙනවා.
මහජනතාවගේ පහසුව සඳහා හදිසි සම්බන්ධීකරණ, ගිලන් රථ සේවා සහ පොලිස් සහාය ලබාගැනීමට 071 859 5880 යන දුරකථන අංකය භාවිත කළ හැකි බව ජනාධිපති මාධ්ය අංශය විසින් නිකුත් කළ වාර්තාවේ සඳහන්.
wpDiscuz
